ASTANA. 13 naýryz. Búgin fýtboldan Qazaqstan premer-lıgasynyń 1-týry sheńberinde úsh oıyn oınaldy. Jankúıerlerdiń nazaryn aýdarǵan kezdesý Shymkentte jergilikti «Ordabasy» men «Aqtóbe» arasynda ótti. Bul týraly egemen.kz tilshisi habarlady.
Ordabasy» (Shymkent) – «Aqtóbe» (Aqtóbe) 3:1
Goldar: Azat Nurǵalıev (penaltı) 34, 54, Edın Iýnýzovıch 45 – Bobır Davlatov 68.
Oıyn asa tartysty ótti. О́z jankúıerleri aldynda baryn salǵan alań ıeleri 34-mınýtta penaltıden esep ashty. On bir metrlikti dál oryndaǵan Azat Nurǵalıev «Ordabasynyń» bıylǵy maýsymdaǵy alǵashqy golyn soqty. Shabýyl qarqynyn kúsheıtken shymkenttikter úziliske sanaýly sekýndtar qalǵanda taǵy bir gol soǵyp, esepti eseledi. Bul joly Edın Iýnýzovıchtiń mereıi ústem boldy.
Ekinshi taımda da «Ordabasy» oıynshylary júıeli oıyn órnegin kórsetti. Nátıjesinde, 54-mınýtta Azat Nurǵalıev dýbldiń avtory atandy. Al maýsym saıyn chempıondyqtan úmitkerler qatarynda bolatyn «Aqtóbe» bul joly jalǵyz golmen ǵana qarymta qaıtara bildi. Atap aıtqanda, 68-mınýtta Bobır Davlatov mergendigimen kózge tústi.
Al qalǵan eki oıynnyń nátıjesi tómendegideı
«Ertis» (Pavlodar) – «Oqjetpes» (Kókshetaý) 1:0
Gol: Sergeı Malyı 41.
«Tobyl» (Qostanaı) – «Aqjaıyq» (Oral) 1:0
Gol: Konstantın Dýdchenko 69.
Aıta keteıik, Qazaqstan premer-lıgasynyń jańa maýsymy keshe bastaldy. Soǵan oraı keshe úsh kezdesý ótti. Ol týraly myna jerden oqı alasyzdar.
Premer-lıganyń 2-týry oıyndary 19-20 naýryz kúnderi oınalady. Ol kezde myna komandalar kezdesedi.
19 naýryz
«Atyraý» (Atyraý) – «Tobyl» (Qostanaı)
«Aqjaıyq» (Oral) – «Ertis» (Pavlodar)
«Oqjetpes» (Kókshetaý) – «Qaırat» (Almaty)
«Taraz» (Taraz) – «Aqtóbe» (Aqtóbe)
20 naýryz
«Ordabasy» (Shymkent) – «Astana» (Astana)
«Shahter» (Qaraǵandy) – «Jetisý» (Taldyqorǵan).
Elaman Qońyr.
Derek: egemen.kz.
Sýret: vk.com.