ALMATY. 13 naýryz. Almaty qalasynyń turǵyndary bıyl da jınalyp, alma jáne basqa da aǵash kóshetterin otyrǵyzýdy jalǵastyratyn boldy. Bastamashy toptyń «Alma Qala» aksııasyn uıymdastyrǵanyna úsh jyldan asty. Bul týraly Qazaqstan baspasóz klýbyna silteme jasaǵan egemen.kz tilshisi habarlady.
Osyndaı bastamaǵa oraı, Almatydaǵy Qazaqstan baspasóz klýbynda baspasóz máslıhaty ótip, aksııanyń jaı-japsary baıandaldy.
Aksııanyń nátıjesi de jaman emes. Máselen, osy is qolǵa alynǵan 2014 jyly aksııaǵa 5 myńdaı adam qatysyp, 9500 aǵash kóshetin otyrǵyzǵan bolatyn. Al ótken jyly 15 myń túp daraq otyrǵyzyldy.
Bul bastamanyń jaqsy bir jeri, qalanyń árbir turǵyny osy iske úlesin qosa alady. Aǵash otyrǵyzýdy qalaǵan jandar jaǵdaıyna qaraı, bir túp kóshet satyp alyp, ózi otyrǵyzsa da bolady.
Aǵash kóshetin qalanyń kez kelgen bazarynan, arnaıy ósimdik-aǵash dúkenderinen nemese tálim baqtardan alýǵa bolady. Al aksııa uıymdastyrý komıteti birqatar tálim baqpen kelisimge kelgen – olar aksııa naýqanynda kóshetterdi tómen baǵamen satatyn bolady.
Al endi aǵashty da kóringen jerge otyrǵyza salýǵa bolmaıtyny belgili. Sondyqtan bastamashy top kóshetti aýlada otyrǵyzarda kórshilerimen, balasy oqıtyn mektepte muǵalimderimen, keńse mańynda basshylarmen aqyldasyp alýǵa keńes beredi.
Sonymen «Alma-Qala-16» aksııasy 2016 jyldyń 12 naýryzynan bastalyp, 24 sáýirge deıin sozylady. Is shara jalpy Almaty qalasy boıynsha ótedi.
О́tken jyly atalǵan aksııany Astana, Shymkent, Kókshetaý qalasynyń turǵyndary qoldaǵan bolatyn. Bul bastamaǵa qazir «Paryz» qoǵamdyq qaıyrymdylyq qory men «Iа-Almatınes» qoǵamdyq qozǵalysy jáne Sergeı Tereshenko sııaqty kásipker, belgili qoǵam qaıratkeri qoldaý kórsetýde.
Aınash Esalı.
Derek, sýret: Qazaqstan baspasóz klýby.