Keshe Premer-Mınıstrdiń birinshi orynbasary Baqytjan Saǵyntaev jumys saparymen Almaty oblysynda bolyp, «Qorǵas» Shekaralyq yntymaqtastyqtyń halyqaralyq ortalyǵynyń, «Qorǵas» jáne «Altynkól» ótkizý pýnktteriniń, «Qorǵas-Shyǵys qaqpasy» AEA qurǵaq portynyń jumystarymen tanysty, dep habarlady Premer-Mınıstrdiń baspasóz qyzmeti.
Qazaqstan-Qytaı shekarasynda ornalasqan ótkizý pýnktinde bolǵan kezde birinshi vıse-premer kedendik prosedýralardy jáne taýarlar men kólik quraldaryna memlekettik baqylaý jasaýdyń ózge de túrlerin uıymdastyrý úderisimen tanysty.
Baqytjan Saǵyntaev qazirgi bar ınfraqurylym búgingi zaman talaptaryna jaýap bermeıtindikten, Eýrazııalyq ekonomıkalyq odaqtyń syrtqy shekaralaryndaǵy avtomobıl pýnktterin baqylaýdy jańǵyrtý jáne tehnıkalyq quraldarmen jaraqtandyrý qajettigin atap kórsetti.
Onyń syrtynda kólik áleýetin arttyrý jáne tasymaldaýshylar úshin qolaıly jaǵdaılar týǵyzý maqsatynda shekarada baqylaýdan ótý ýaqytyn qysqartý boıynsha yqpaldy sharalar qabyldaý qajet.
Sapar qorytyndysy boıynsha Premer-Mınıstrdiń birinshi orynbasary memlekettik organdarǵa tıisti tapsyrmalar berdi.