Senat bıýrosy joǵarǵy palatanyń 2016 jylǵy 17 naýryzda bolatyn kezekti otyrysynyń kún tártibin kelisti, dep habarlady Palatanyń baspasóz qyzmeti.
Senatorlar Qazaqstan men Koreıanyń Úkimetteri arasyndaǵy Koreıadaǵy Qazaqstan azamattarynyń jáne Qazaqstandaǵy Koreıa azamattarynyń ishki korporatıvtik aýysýlar sheńberindegi ýaqytsha eńbek qyzmeti týraly kelisimdi; Azamattyq nemese saýda isteri boıynsha shetelde dáleldemelerdi alý týraly konvensııany; Balalarǵa alımentterdi jáne otbasyn kútip-baǵýdyń basqa da nysandaryn óndirip alýdyń halyqaralyq tártibi týraly konvensııany jáne Alımenttik mindettemelerge qoldanylatyn quqyq týraly hattamany; Qazaqstan men Norvegııa arasyndaǵy adamdardyń readmıssııasy týraly úkimetaralyq kelisimdi ratıfıkasııalaý týraly zań jobalaryn qaraıdy.
Palata «Poshta týraly», «Lotereıa jáne lotereıa qyzmeti týraly» zań jobalaryn da qaraıtyn boldy.
Zańnamaǵa balanyń quqyqtaryn qorǵaý; poshta; lotereıalar jáne lotereıa qyzmeti; Qazaqstannyń «jasyl ekonomıkaǵa» kóshýi; ekologııa; tutynýshylardyń quqyqtaryn qorǵaý; astyq naryǵyn retteý máseleleri boıynsha túzetýler birinshi oqylymda qaralatyn bolyp sheshildi.
Zańnamaǵa memlekettik qyzmetter kórsetý jáne munaı ónimderiniń jekelegen túrlerin óndirýdi jáne olardyń aınalymyn memlekettik retteý máseleleri boıynsha túzetýler ekinshi oqylymda talqylanady.