«Gazel Next»

Semeıde qurastyrylyp shyǵaryldy Semeı qalasyndaǵy avto­qu­rastyrý zaýytynyń kon­veıe­rinen tuńǵysh ret qazaq­stan­dyq «Gazel Next» kóligi shy­ǵaryldy. Jyl sońyna deıin «SemAZ» jaýapkershiligi shek­teýli seriktestigi osy sııaqty 300 shaǵyn avtobýs qurastyrýdy josparlap otyr. Bul – otandyq naryqta úlken suranysqa ıe modelderdiń biri. «Gazel» kóptegen elderde negizgi qoǵamdyq kólikterdiń biri retinde paıdalanylady. Sha­ǵyn avtobýstardyń ózge túr­lerimen salystyrǵanda, bul model jolaýshylardyń eń­keımeı, tik tura berýine qo­laıly, ıaǵnı salonnyń bıiktigi 2 metrge jeteǵabyl. Sondaı-aq, qarapaıym avtobýstarmen salystyrǵanda, jolaýshylarǵa arnalǵan oryn da mol. «Gazeldi» jınaǵan qurastyrýshylardyń biri – Dıdarhan Qýbaev. Jańa modeldi jetik biletin jas maman shaǵyn avtobýstyń kez kelgen jolda júre alatynyn aıtady. Kóliktiń jaryq shamy – 170 mıllımetr, bıiktigi – 2,7 metr, uzyndyǵy – 6 metr, bir ózinde 120 attyń kúshi bar. Qazir zaýytta jańa «Gazel­di» jetildirýdiń joldary qaras­tyrylýda. Mamandar ony eki esikti etip jasaýdy oılastyryp otyr. Bul jolaýshylardyń kirýi men shyǵýyna qolaıly bolady. Bul rette shaǵyn avtobýsty jańǵyrtýǵa arnalǵan qańqa qu­rylymyn Qazaqstanda jasaý týraly sheshim qabyldandy. Osy arqyly kásiporyn óz óniminiń sapasyna jeti jylǵa deıin kepildik beredi. – Elimizde bizdiń konveıeri­mizde qurastyrylǵan 800-den astam avtobýs bar. Barlyǵy áli de jumys istep júr. Eshqandaı shaǵym bolǵan joq. Bizdiń maqsatymyz – sapaly ónimdi reseılikterden de, koreıalyqtardan da kem shyǵarmaý, – dedi «SemAZ» jaýapkershiligi shekteýli seriktestiginiń bas dırektory Ásemqan Dosqojanov. Kelesi aıda atalǵan ónimderdiń barlyǵy Almaty qalasyna jó­neltiledi. Jyl sońyna deıin kásiporynda 200 avtobýs pen 300 «Gazeldi» qurastyrý jospar­lanǵan. Dýman ANASh, «Egemen Qazaqstan». SEMEI.