Aqtóbe qalasynyń ákimi Bekbol Saǵyn 8 naýryz – Halyqaralyq áıelder kúni qarsańynda bir top kóp balaly analardy merekemen quttyqtap, «Altyn alqa» jáne «Kúmis alqa» medaldarymen marapattady. Ol kópbalaly analarǵa qoǵamdaǵy jáne bala tárbıesindegi aıryqsha eńbekteri úshin alǵys sezimin bildirip, otbasylyq baqyt, baqýatty turmys tiledi. Shahar basshysy ár kópbalaly anaǵa merekelik syılyq pen gúl shoqtaryn tapsyrdy. Kópbalaly analardyń úsheýi «Altyn alqa», al, ony «Kúmis alqa» medalin omyraýlaryna taǵyp, qýanysh qushaǵyna bólendi.
Qazir oblys ortalyǵynda 6479 kópbalaly ana turady, olardyń 1272-i «Altyn alqa»,1537-si «Kúmis alqa», al, 337-i «Batyr ana» jáne 288-i I-II-III dárejeli «Ana dańqy» medaldarynyń ıegerleri bolyp tabylady. 3045 ana tórt jáne odan da kóp bala ósirip, tárbıeleýde. Jyl saıyn qalada bala týý kórsetkishi kóterilip, kópbalaly jas analar qatary kóbeıe túsýde.
Satybaldy SÁÝIRBAI,
«Egemen Qazaqstan».
Aqtóbe.