QYZYLORDA. 15 naýryz. Búgin Syr elinen «Qyzylorda-Jezqazǵan» baǵytyna qatynaıtyn alǵashqy jolaýshylar poıyzy jolǵa shyqty. Aıta keteıik, bul joba «Nurly jol» baǵdarlamasy aıasynda júzege asyp otyr. Bul týraly egemen.kz tilshisi habarlady.
«Qyzylorda – Jezqazǵan» poıyzy byltyr ǵana qoldanysqa berilgen «Jezqazǵan-Sekseýil-Beıneý» jańa temirjoly ústimen júredi. Jańa poıyz Qyzylorda oblysynyń soltústiginde ornalasqan 65 stansııa arqyly ótedi. Endi qyzylordalyqtar Saryarqa ólkesine bir táýlikte poıyzben tikeleı bara alady.
Jańa jolaýshylar poıyzy 5 vagonnan turady. Bıletterdiń de baǵasy tıimdi. Máselen, jolaýshy Baıan Álimova buryn Jezqazǵanǵa avtobýs arqyly qatynaǵan. Ol temir joldyń tıimdi tustary kóp ekendigin aıtady.
Aıta keteıik, eki óńir arasyndaǵy baılanysty nyǵaıtý maqsatynda bıyl «Qyzylorda-Jezqazǵan» arasyndaǵy joldy asfalttaý jumystary bastalady.
Erjan Baıtiles.
Derek, sýret: egemen.kz