ALMATY. 16 naýryz. VTB (Qazaqstan) bankiniń dırektorlar keńesiniń sheshimimen 2016 jylǵy 15 naýryzdan bastap VTB (Qazaqstan) bankiniń jańa tóraǵasy bolyp Mıhaıl Edýardovıch Oseevskıı taǵaıyndaldy. Bul týraly VTB bankiniń baspasóz qyzmetine silteme jasaǵan egemen.kz tilshisi habarlady.
Mıhaıl Oseevskıı memlekettik jáne qarjylyq basqarý salasyndaǵy kópjyldyq kásibı tájirıbege ıe, VTB tobynyń qurylymynda 4 jyldan beri jumys istep kelgen.
«Búgingi kúni VTB sátti damý ústindegi halyqaralyq qarjy toby, álemniń 23 elinde óz ókildikteri bar. Olardyń biri Bank VTB (Qazaqstan) bolyp tabylady, ol toptyń iri enshiles uıymy. Biz Qazaqstan Respýblıkasyndaǵy topty damytýdyń uzaq merzimdi strategııasyn júzege asyra otyryp, bul elde bıznesti nyǵaıtýdy jáne keńeıtýdi kózdeımiz», – deıdi Mıhaıl Oseevskıı.
Mıhaıl Oseevskııdiń taǵaıyndalýy jaıynda aıta kele Bank VTB (Qazaqstan) basqarma tóraǵasy Dmıtrıı Zabello Qazaqstandaǵy VTB enshiles bankiniń bıznesti damytý boıynsha mańyzdy josparlary júktelgen toptyń strategııalyq mańyzdy qurylymyna aınalǵanyn atap ótti.
Aınash Esalı.
Derek, sýret: VTB bankiniń baspasóz qyzmeti.