ASTANA. 16 naýryz. Pákistannyń soltústik-batysynda jolaýshylar avtobýsy jarylyp, úkimettiń 15 qyzmetkeri qaza tapty. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Qaıǵyly oqıǵa búgin tańerteńgi ýaqytta Mardan qalasynan Haıber-Pahtýnhva provınsııasynyń ákimshilik ortalyǵy Peshavarǵa barar jolda bolǵan. Jergilikti BAQ ókilderi taǵy 25 adamnyń túrli deńgeıde jaralanyp, aýrýhanalardyń birine jetkizilgendigin málimdedi.
Jarylys kezinde avtobýsta 40-tan astam adam bolýy múmkin degen boljam jasaldy. Lańkestik áreketti ázirge eshqandaı uıym óz moınyna alǵan joq.
Aıan Ábdýálı.
Derek: RIA «Novostı».
Sýret: 24.kz.