Beıbitshilik estafetasy – jastarǵa

Qaraǵandy memlekettik tehnıkalyq ýnıversıtetinde Elbasy Nursultan Nazarbaevtyń Semeı ıadrolyq polıgonyn jabý týraly Jarlyǵynyń 25 jyldyǵyna arnalǵan jastardyń «Beıbitshilik estafetasy – jastarǵa» atty respýblıkalyq antııadrolyq onlaın forýmy ótti. Mańyzdy sharaǵa aqyn, kórnekti qoǵam qaıratkeri, «Nevada-Semeı» halyqaralyq antııadrolyq qoz­ǵa­ly­synyń tóraǵasy Oljas Súleı­menov, sýretshi, antııadrolyq qoz­ǵa­lystyń belsendisi Káripbek Kúıikov, Qazaqstan Prezıdenti ja­nyn­daǵy Memlekettik basqarý aka­demııasynyń professory Tóleýtaı Súleımenov jáne basqa da qurmetti qonaqtar qatysty. Jalpy, onlaın forýmǵa Qazaqstannyń 17 joǵary oqý ornynan 10 myńǵa taıaý stý­dent jastar tartyldy. Bir ǵana QarMTÝ-diń ózinen sharaǵa 1700-den astam adam atsalysty. Forým jumysynyń basynda Bilim jáne ǵylym mınıstri Erlan Saǵadıevtiń, Densaýlyq saqtaý jáne áleýmettik damý mınıstri Tamara Dúısenovanyń jáne Ener­getıka mınıstri Vladımır Shkol­nıktiń arnaıy joldaǵan quttyqtaý hattary oqyldy. Al alqaly jıyn ıadrolyq qaýipsizdikti arttyrý boıyn­sha Qazaqstan saıasatyn júze­ge asyrýdyń tetikteri men qu­ral­­daryn ári qaraı damytý bo­ıyn­sha tájirıbe almasý jáne kele­shekti boljaý maqsatyn alǵa qoıdy. Antııadrolyq onlaın forýmyn­da sóz sóılegen ǵalymdar Qazaq­stan­daǵy ıadrolyq qaýipsizdik sa­la­­syndaǵy aǵymdaǵy jaǵdaı, jap­­­paı qyryp-joıý qarýlaryn ta­rat­­­paýdyń halyqaralyq rejimin ny­­ǵaıtý boıynsha Qazaqstan qyz­meti­niń nátıjeliligin baǵalap, ıadro­­lyq qaýipsizdik jáne ıadrolyq qarý­­dy taratpaý, qarýsyzdaný sala­syn­daǵy Qazaqstannyń ja­han­dyq je­tekshiligin, elimizdiń ımı­d­­jin halyqaralyq arenaǵa kóterý máseleleri boıynsha pikir alma­syp, kókeıkesti taqyrypty talqyǵa saldy. Jıyn sońynda forýmǵa qaty­sý­shylar Qazaqstan Respýb­lıka­synyń Prezıdenti Nursultan Nazar­baevtyń atyna jáne Qazaq­stan jas­taryna úndeý hattar ja­­­rııa­­­lady. Hattarda «Iаdrolyq sy­naq­t­arǵa tyıym salý máselesi jahan­dyq qaýipsizdiktiń asa mańyz­dy pr­o­blemalarynyń ishinde ózekti oryn alatyny kúmánsiz. Biz osy úde­ris­ke alǵashqy jáne barynsha iri úlesti Qazaqstan Respýblıkasy, onyń Tuńǵysh Prezıdenti qosqany úshin aıryqsha maqtanysh sezimine bólenemiz! 1991 jyly Siz óz Jarlyǵyńyzben álemdegi asa iri ıadrolyq synaq polıgonyn birjola japtyńyz jáne aqyrynda qýaty jóninen álemdegi 4-shi zymyrandyq-ıadrolyq arsenaldan óz erkińizben bas tarttyńyz. Qazaqstan osy sát­ten bastap, Siz óte dál atap kór­set­kendeı, «Beı­bit­shilik epısentri­ne» aınaldy» degen sózder bar. Qaırat ÁBILDINOV, «Egemen Qazaqstan». QARAǴANDY.