ASTANA. 18 naýryz. Gvıneıa Respýblıkasynda ebola bezgegin juqtyrǵan eki adam anyqtaldy. Bul týraly TASS aqparat agenttigine silteme jasaǵan egemen.kz tilshisi habarlady.
Qaýipti indetti juqtyrǵandar bir otbasynyń músheleri. Osyǵan deıin olardyń úsh týysqany atalǵan dertke shaldyǵyp, kóz jumǵan. Úkimet olar turatyn aýylǵa oqshaýlaý rejim engizip, arnaıy vaksınalar jetkizdi.
Dúnıejúzilik densaýlyq saqtaý uıymy ótken beısenbi kúni 42 kún ishinde qaýipti bezgekke shaldyqqandar anyqtalmaǵannan keıin Gvıneıamen kórshiles Serra-Leon memleketinde ebolanyń aıaqtalǵany týraly resmı málimdegen.
Aıta keteıik, ótken jyldyń sońyna taman atalǵan uıym Gvıneıa Respýblıkasynda ebolanyń joıylǵandyǵy týraly habarlaǵan. Sońǵy naýqastyń emdelip shyqqanyna 42 kún bolǵan. Alaıda, 90 kúndik tereńinen anyqtaý merzimi áli aıaqtalǵan joq. IýNISEF-tiń málimdeýinshe, osyǵan deıin bul memlekette 6200-den astam náreste jetim qalǵan. Sondaı-aq, kámeletke tolmaǵan 519 bala aýyr indetten kóz jumdy. Al qaýipti aýrýdan emdelgender sany bul kórsetkishten eki ese az, ıaǵnı 230 abala tolyǵymen jazylǵan.
Aıan Ábdýálı.
Derek: TASS.
Sýret: news.caravan.kz.