ASTANA. 20 naýryz. Túrkııanyń Ystambul qalasynda lańkestik áreketten 5 adam qaza taýyp, 20 adam túrli dene jaraqatyn aldy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Jaralanǵandar aýrýhanalarǵa jetkizildi. Dárigerlerdiń aıtýynsha, 3 adamnyń jaǵdaıy tym aýyr. Alǵash bolyp zardap shekkender jaıly qala gýbernatory Vasıp Shahın málimdedi. Oqıǵa Taksım alańyndaǵy Ystyklal kóshesinde bolǵan. Kópshilik jınalǵan jerde jankeshti ózin-ózi jaryp jiberdi. Qazirgi kezde polısııa qyzmetkerleri tergeý amaldaryn júrgizip jatyr.
Aıan Ábdýálı.
Derek: RIA «Novostı».
Sýret: 24.kz.