ASTANA. 20 naýryz. Ortalyq saılaý komıssııasy Qazaqstan Respýblıkasy Parlamenti Májilisiniń depýtattaryn jáne máslıhattarynyń depýtattaryn saılaýda saılaýshylardyń kelýiniń aldyn ala qorytyndylaryn jarııa etti. Bul týraly Ortalyq saılaý komıssııasynyń resmı saıty – election.kz-ke silteme jasaǵan egemen.kz tilshisi habarlady.
Qazaqstan Respýblıkasy Parlamenti Májilisiniń depýtattaryn jáne máslıhattarynyń depýtattaryn saılaýda daýys berý aıaqtaldy.
Ortalyq saılaý komıteti shetelde Qazaqstan ókildikteriniń janynda qurylǵan 65 saılaý ýchaskesi boıynsha derektersiz saılaýshylardyń kelýi týraly jedel málimetterdi usyndy. Olardan málimetter keshirek túsedi.
Oblystyq, Astana jáne Almaty qalalarynyń saılaý komıssııalarynan kelip túsken málimet boıynsha tizimderge engizilgen 9 mln. 810 myń 920 saılaýshylardyń 7 mln. 564 myń 281-i saılaý bıýlletenderin aldy.
Saılaýshylardyń kelýi jalpy respýblıka boıynsha 77,1 %-dy qurady.
О́ńirler boıynsha kórsetkish mynadaı:
Aqmola oblysy boıynsha - 79,68 paıyz
Aqtóbe oblysy boıynsha - 80,26 paıyz
Almaty oblysy boıynsha - 94,06 paıyz
Atyraý oblysy boıynsha - 85,37 paıyz
Batys Qazaqstan oblysy boıynsha - 73,68 paıyz
Jambyl oblysy boıynsha - 82,66 paıyz
Qaraǵandy oblysy boıynsha - 78,83 paıyz
Qostanaı oblysy boıynsha - 84,85 paıyz
Qyzylorda oblysy boıynsha - 81,75 paıyz
Mańǵystaý oblysy boıynsha - 75,91 paıyz
Ońtústik Qazaqstan oblysy boıynsha - 85,06 paıyz
Pavlodar oblysy boıynsha - 72,85 paıyz
Soltústik Qazaqstan oblysy boıynsha - 81,57 paıyz
Shyǵys Qazaqstan oblysy boıynsha - 82,44 paıyz
Astana qalasy boıynsha – 74,65 paıyz
Almaty qalasy boıynsha - 34,1 paıyz.
«Búgingi daýys berý barysynda saılaýshylar belsendiliginiń deńgeıi óte joǵary bolǵanyn atap kórsetemiz. Bul Parlament Májilisiniń depýtattaryn saılaý jónindegi sońǵy saılaý naýqandarynyń ishindegi rekordtyq kórsetkish», – dedi Ortalyq saılaý komıssııasynyń tóraǵasy Qýandyq Turǵanqulov.
Qazirgi ýaqytta saılaý ýchaskeleriniń barlyǵynda saılaýshylardyń daýystaryn sanaý júrgizilýde.
Saılaý zańnamasyna sáıkes, saılaý ýchaskesinde daýystardy sanaý ýaqyty sanaý bastalǵan kezden bastap on eki saǵattan aspaýy tıis.
Aıan Ábdýálı.
Derek: election.kz.
Sýret: dknews.kz.