ASTANA. 21 naýryz. «Qazaqstan Respýblıkasynyń Saılaý týraly» Konstıtýsııalyq zańynyń 93-1-babyna sáıkes, Assambleıa músheleri Qazaqstan halqy Assambleıasy (QHA) saılaıtyn Parlament Májilisiniń depýtattyǵyna QHA keńesi usynǵan kandıdattar úshin daýys berý aıaqtaldy. Bul týraly inform.kz-ke silteme jasaǵan egemen.kz tilshisi habarlady.
«Saılaýshylardyń jalpy sany – 446 adam. Saılaý bıýlletenderin alǵan saılaýshylardyń sany – 372. Daýys berýge 372 saılaýshy qatysty. Úmitkerlerge berilgen daýystardyń sany mynadaı: Abdraxmanov Saýytbek Abdraxmanuly – 345, Bojko Vladımır Karpovıch – 349, Jumadildaeva Natalıa Vasılevna – 343, Kım Roman Ýhenovıch – 346, Mıkaelıan Narıne Gamletovna – 336, Mýradov Ahmed Seıdarahmanovıch - 339, Nýrýmov Shaımardan Ýsaınovıch – 337, Tımoshenko Iýrıı Evgenevıch – 341, Hahazov Shakır Hýsaınovıch – 342», – delingen Astana qalalyq saılaý komıssııasynyń xattamasynda.
«Qazaqstan Respýblıkasynyń Saılaý týraly» Konstıtýsııalyq zańynyń 94-1-babyna sáıkes, QHA saılaıtyn Parlament Májilisiniń depýtattaryn saılaý nátıjeleri Ortalyq saılaý komıssııasyna joldanady. Parlament Májilisiniń depýtattyǵyna saılanǵan úmitkerlerdiń tizimin Ortalyq saılaý komıssııasy 27 naýryzǵa deıin jarııalaýy tıis.
«Aldyn ala nátıjeler jarııalandy. Negizgi qorytyndysyn Ortalyq saılaý komıssııasy shyǵarady. Búgin Elbasy Nursultan Nazarbaev Astanada QHA saılaıtyn Parlament Májilisi depýtattarynyń kezekten tys saılaýynda daýys berdi», – dedi Qazaqstan xalqy Assambleıasy tóraǵasynyń orynbasary Eraly Toǵjanov.
Parlament Májilisinde 107 depýtat bar, onyń 98-i partııalyq tizim boıynsha, 9-y Qazaqstan halqy Assambleıasy atynan saılanady.
Aıta keteıik, 2 naýryz kúni QHA atynan 9 úmitker: Abdrahmanov Saýytbek Abdrahmanuly, Bojko Vladımır Karpovıch, Jumadildaeva Natalıa Vasılevna, Kım Roman Ýhenovıch, Mıkaelıan Narıne Gamletovna, Mýradov Ahmed Seıdarahmanovıch, Nýrýmov Shaımardan Ýsaınovıch, Tımoshenko Iýrıı Evgenevıch, Hahazov Shakır Hýsaınovıch tirkelgen bolatyn.
Aıan Ábdýálı.
Derek, sýret: inform.kz.