Qazaqstandyqtar «Nur otan» partııasyn saılaýdaǵy jeńisimen quttyqtaıdy

Dúnıejúzi qazaqtarynyń qaýymdastyǵy Dúnıejúzi qazaqtary qaýymdastyǵy álem qazaqtarynyń atynan Elbasyn jáne barsha nur­otandyqtardy 20 naýryzda ótken saılaýda «Nur Otan» partııasynyń jarqyn jeńiske jetýimen qut­tyqtaıdy. Shetelderde turatyn qandastarymyz tarıhı atamekenindegi saıası naýqanǵa kóz tigip, el bo­lashaǵyna eleńdep otyrdy. Elbasynyń san jylǵy syndarly saıasaty kezekti ret halyqtyń qoldaýyna ıe bolyp, «Nur Otan» partııasynyń jarqyn jeńiske jetýin zor yqylaspen qabyl aldy. Bul saılaý – álem qazaqtarynyń kóshbasshysy, Elbasy Nursultan Ábishuly Nazarbaev Qazaq­stannyń aldyna qoıǵan barlyq strategııalyq maq­sattar men mindetterdi júzege asyrý jolynda mańyzdy tarıhı oqıǵa. Osynaý syndarly sátte árbir qazaqstandyqtyń daýys berýge belsene qatysqany qoǵamymyzdyń joǵary konstıtýsııalyq patrıotızmin tanytty. El aýmaǵynan tys jerlerde uıymdastyrylǵan saılaý ýchaskeleri týǵan jerinen jyraqta júrgen myńdaǵan qazaqstandyqqa eldiń saıası ómirinen tys qalmaı, bolashaǵyn aıqyndaýǵa atsalysýǵa múmkindik berdi. Biz, Dúnıejúzi qazaqtary qaýymdastyǵy, ha­lyqtyń senim mandatyna ıe bolǵan ózge de partııalardy jetistigimen quttyqtaımyz. Jańadan saılanǵan kóppartııaly Parlament «100 naqty qadam» Ult Josparyn júzege asyrýda memleketimizge qýatty quqyqtyq tirek bolatynyna senim bildiremiz. Talǵat MAMAShEV, Dúnıejúzi qazaqtary qaýymdastyǵy Tóraǵasynyń orynbasary.  Qazaqstan Jazýshylary odaǵy Bizder, el qalamgerleri, Qazaqstan Jazýshylar odaǵy men elimizdiń zııaly jurtshylyǵy atynan Elbasy Nursultan Ábishuly Nazarbaevty, sondaı-aq, mıllıonǵa jýyq nurotandyqty jáne barsha qazaqstandyqtardy Parlament Májilisi men más­lıhattar depýtattarynyń saılaýlaryndaǵy aıqyn jeńisimen quttyqtaımyz! Keshe órisi keń órkenıetke bet túzegen qoǵa­my­myz Bolashaǵy Birtutas El bolýda taǵy bir taǵ­dyr­sheshti qadam jasady. Halqymyz Parlamenttiń jańa quramyn aı­qyn­daýǵa qyzý atsalysyp, álem aldynda óziniń aza­mattyq ustanymy men aýyzbirligin tanytty. Qazaqstandyqtardyń saılaýǵa belsene qa­tysýy demokra­tııalyq qundylyqtardy bıik ustaıtyn eńseli el ekenimizdi múltiksiz dáleldedi. Azamattarymyzdyń erkin tańdaý jasaýyna memleket tarapynan barlyq jaǵdaı jasaldy. Saılaý ashyq jáne ádil ótti. Oǵan qatysqan barsha partııalar men úmitkerlerge teń múmkindikter berildi. Osyndaı ádil básekede «Nur Otannyń» top jarýy Elbasynyń sarabdal saıasaty halyqtyń tolyq qoldaýyna ıe ekenine, onyń saıası tiregi – «Nur Otan» partııasy naǵyz halyqtyq partııa ekenine halyqtyń da, qadaǵalaýshylardyń da kózin jetkizdi. Asa kúrdeli jahandyq ahýalda qazaqstandyqtar Birlikti, Turaqtylyq pen Jasampazdyqty tańdady. Bul qundylyqtar Máńgilik Eldiń irge­tasyn qalaý­da adastyrmas temirqazyq bolary sózsiz. «Nur Otannyń» jeńisi – eldigimizdiń, erteńge degen urpaq pen ult seniminiń jeńisi. Ortaq jeńi­simiz qutty bolsyn!  Nurlan ORAZALIN, Qazaqstan Jazýshylar odaǵy basqarmasynyń tóraǵasy.  Qazaqstan Respýblıkasynyń  Ulttyq ǵylym akademııasy Biz, Qazaqstan Respýblıkasy Ulttyq ǵylym akademııasy  Elbasy Nursultan Nazarbaevty jáne qazaqstandyqtardy «Nur Otan» partııasynyń jarqyn jeńisimen quttyqtaımyz! Halqymyz taǵy bir saıası synnan ótti. Májilis jáne máslıhattar depýtattarynyń saılaýyna bir adamdaı qatysqan qazaqstandyqtar quqyqtyq saýatyn tanytyp, el bolashaǵyn aıqyndaýǵa úles qosty. Elimizdiń Ortalyq saılaý komıssııasy saıası dodaǵa qatysqan partııalar men úmitkerlerge konstıtýsııalyq quqyqtaryn tolyq paıdalanýǵa teń jaǵdaı jasady. Osynyń arqasynda álemdik qoǵamdastyq Qazaqstannyń qýaty myqty, ekonomıkasy áleý­etti, saıası júıesi berik el ekenine kóz jetkizdi. Elimizdegi eń bedeldi saıası kúsh, Elbasymyzdyń saıası tiregi – «Nur Otanǵa» daýys bergen qazaq­standyqtar myzǵymas birlikti, turaqty damý men jasampaz bolashaqty tańdady. «Nur Otan» – mıllıonǵa jýyq múshesi bar qýat­ty partııa. Onyń ustanǵan baǵyty keleshekke degen senimimizdi nyǵaıtyp, ultymyzdy uly is­terge bastaı bermek.  Murat JURYNOV, Ulttyq ǵylym akademııasynyń prezıdenti.  «Qazaqstan-2050» jalpyulttyq qozǵalysy Memleket basshysy men «Nur Otan» partııasyn saılaýdaǵy tamasha jeńisterimen quttyqtaımyz. О́tken elektorattyq naýqannyń qorytyn­dy­lary men aza­mattary­myzdyń saılaýǵa belsendi qatysýlary qazaq­standyqtardyń tańdap alynǵan reformalar baǵytymen yntymaqtastyǵynyń kórsetkishi  boldy. О́z tańdaýlaryn jasaǵan Qazaqstan halqy álemge rýh birligi men joǵary patrıotızm úlgisin pash etti. «Nur Otannyń» jeńisi azamattyq qoǵam ıns­tıtýttarynyń belsen­diligin arttyrýǵa jańa múm­kindikter ashyp, oǵan barlyq qoǵamdyq kúsh­terdi tartýǵa jaǵdaı týǵyzady. Parlament Májilisiniń jańarǵan kóppartııaly quramy 5 ıns­tıtýttyq reformany júzege asyrýǵa sony serpin beretinine senimdimiz. Elbasynyń basshylyǵymen, «Nur Otan» par­­tııa­symen birge elimizdiń barlyq saıası jáne eko­nomıkalyq sektorlarynda naqty ósim qamtamasyz etiletinine eshqandaı kúmán joq.  Ásel ShÁRIBAEVA, atqarýshy dırektor.   «Bas redaktorlar klýby» qoǵamdyq birlestigi «Bas redaktorlar klýby» Memleket basshysyn, «Nur Otan» partııasyn kezekten tys saı­laýda senimdi de talassyz jeńiske jetýimen qut­tyqtaıdy. 20 naýryzda bolyp ótken Parlament Májilisi men jergilikti máslı­hattar saılaýlary búkil elektorattyq sıkldyń joǵary deńgeıde uıym­dastyrylǵanyn kórsetip berdi. Buǵan baıqaýshy komıssııalardyń jumys­taryna belsendi qatysqan kóptegen qazaqstandyq jáne sheteldik sarapshylardyń, sondaı-aq, bizdiń árip­testerimiz – jýrnalısterdiń oń baǵamdary aıǵaq bolyp tabylady. Saılaýdyń qorytyndylary qazirgi tańda júzege asyrylyp jatqan reformalar baǵytynyń durystyǵyn dáleldep qana qoımaı, ony búkil qo­ǵamy­myzdyń jan-jaqty qoldaıtynyn kórsetip berdi. Májilistiń jańa quramynda nurotandyqtar kórsetilgen senim mandatyn 100 paıyzǵa oryndap, memleket damýynyń barlyq sheshýshi salalarynda jańǵyrtý baǵytyn tıimdi júzege asyratynyna senimdimin. Bıbigúl JEKSENBAI, «Bas redaktorlar klýby» QB prezıdenti. «Atameken» ulttyq kásipkerler palatasy Qazaqstannyń búkil bıznes qaýymdastyǵynyń atynan biz Memleket basshysy, «Nur Otan» partııasynyń Tóraǵasy Nursultan Ábishuly Nazar­baevty, barlyq nurotandyqtardy Qazaqstan Respýblıkasy Parlamenti Májilisiniń depýtattaryn saılaýda zańdy jeńiske jetýimen qut­tyqtaımyz. О́tken elektorattyq naýqan qazaq­standyq­tardyń joǵary azamattyq belsendiliginiń, eli­mizdi ári qaraı jańǵyrtýǵa  óz­deriniń úlesterin qo­sýǵa degen umtylystarynyń jarqyn aıǵaǵy boldy. Búgingi álemdik daǵdarys jaǵdaıynda de­pýtat­tyq korpýsty jańǵyrtý – bul Qazaqstan par­lamentarızminiń tarıhyndaǵy jańa dáýir. «Nur Otan» partııasynyń jeńisi ekonomıkamyzdy reformalaýdy ári qaraı senimdi jalǵastyrýǵa jaǵdaı týǵyzyp, Elbasynyń bar­lyq strategııalyq ıdeıalaryn is júzine asyrýǵa múmkindik beretin bolady. «Nur Otan» eldi ındýstrııalyq-ınnovasııalyq damytý jónindegi barlyq serpindi jobalardy qashanda qoldap keledi. Bul partııa – naqty ister men nátıjelerdiń par­tııasy. Prezıdentimizdiń partııasymen birge biz ómiri­mizdiń barlyq salasyn ınstıtýttyq turǵydan jańǵyrtý isin jalǵastyratyn bolamyz. Bul álemdegi eń ozyq 30 ekonomıkaǵa joldyń senimdi bastaýy bolyp tabylady.  Abylaı MYRZAHMETOV, «Atameken» UKP tóraǵasy. Qazaqstan kásipkerler forýmy Qazaqstan kásipkerleriniń atynan «Nur Otan» partııasyn Qazaqstan Respýblıkasy Parlamenti Májilisiniń saılaýynda tamasha jeńiske jetýimen quttyqtaımyz. Partııanyń tabysy – bul Elbasy bedeliniń, reformalar baǵyty men daǵdarysqa qarsy reformalaý baǵdarlamalaryn búkilhalyqtyq qoldaýdyń kórsetkishi. Saılaýdyń talassyz nátıjeleri Qazaqstan azamattarynyń basym kópshiliginiń múddesin bildiretin elimizdegi jetekshi saıası kúshke degen joǵary senimdi kezekti márte aıǵaqtap berdi. Partııanyń saılaýaldy baǵdarlamasynda málimdelgen barlyq baǵdarlamalyq mindetterdiń laıyqty júzege asyrylyp, elimizde júr­gizilip jatqan 5 ınstıtýttyq reformanyń tıimdi júzege asyrylýy qamtamasyz etiletinine senimdimin. Jańa Parlamentke tabys pen jemisti jumys tileımin.  Raıymbek BATALOV, Qazaqstan kásipkerler forýmy keńesiniń tóraǵasy. «Memlekettik tildi damytý qory» qoǵamdyq qory «Memlekettik tildi damytý qory» qoǵamdyq qory Elbasy Nursultan Ábishuly Nazarbaevty jáne «Nur Otan» partııasyn Májilis jáne barlyq deńgeıdegi máslıhattar depýtattary saılaýlarynda aıqyn basymdyqpen jeńiske jetýimen quttyqtaıdy. Bul qýanyshty jańalyqty bolashaǵyna eleń­deıtin árbir qazaq­standyq asa zor yqy­laspen qabyl aldy. Sebebi, «Nur Otan» – elimizdi ǵana emes, álemdi tolqytqan talaı turaq­syz kezeńderde tabysymyzdy saqtap qana qoımaı, eseleı túsýge jaǵdaı jasap, halyqtyń seniminen shyqqan birden-bir partııa. Sondyqtan, jahandy tolqytqan daǵdarys jaǵdaıynda qazaqstandyq­tar partııanyń ura­nymen úndes – Birlikti, Turaqtylyq pen Jasam­pazdyqty tańdady. Saılaýdaǵy jeńis – úlken jetistikpen qatar, zor jaýap­kershilik. Kúrdeli kezeńde Qazaqstandy damýdyń dara jolyna bastaý jaýap­kershiligi eldegi eń qýatty saıası kúsh – «Nur Otanǵa» júktelip otyr. Bul iste naǵyz halyqtyq partııaǵa tek sáttilik ti­leı­miz. Májiliske engen ózge de partııalardyń ókil­deri ortaq múdde tóńireginde uıysyp, halyq­­qa adal qyzmet etedi dep senemiz.  Azat ShÁÝEEV, Memlekettik tildi damytý qorynyń dırektory.  Qazaqstan kásipodaqtarynyń federasııasy «Nur Otannyń» Tóraǵasy, Elbasy Nursultan Nazarbaev­qa partııanyń saılaýdaǵy tamasha je­ńisine oraı óz quttyq­taýymyzdy joldaımyz! Bul Táýelsiz Qazaqstan damýynyń jańa kezeńi bastalýymen berik úndesken shyn mánindegi tarıhı oqıǵa! Daǵdarysqa qarsy batyl is-áreketter kezeńin­degi qazaq­standyqtardyń tańdaýy zań shyǵarýshy jáne jergilikti ókildi bılikke degen halyq senimin taǵy bir ret aıǵaqtap berdi. «Nur Otan» partııasynyń saılaýaldy baǵ­darlamasynda usynylǵan «100 naqty qadam» Ult Jospary ulttyq birliktiń ózekti arqaýyna aınaldy. Álemdik ekonomıkalyq daǵdarys jaǵdaıynda Parlament jumysy otandyq ekonomıkanyń básekege qabilettiligin damytýdyń, álemdik jo­ǵary standarttarǵa saı keletin jańa úlgidegi eńbek qatynastaryn qalyptastyrýdyń jańa vektoryn pash etedi. Biz Parlament Májilisi depýtattarynyń jańa sha­qy­­ry­lymyna sarqylmas qajyr-qaırat jáne barsha qazaq­standyqtardyń ıgiligi jolyndaǵy jemisti jumys tileımiz.  Ábilǵazy QUSAIYNOV, Qazaqstan kásipodaqtary federasııasynyń tóraǵasy.  Qazaqstan áıelderiniń Keńesi О́z uıymymyzdyń atynan biz Memleket basshysyn jáne «Nur Otan» partııasyn Parlament Májilisi depýtattarynyń kezekten tys saı­laýyndaǵy jeńisimen quttyqtaımyz. Saılaýdy uıymdastyrý jáne ótkizý bizdiń azamattary­myzdyń Ult Jospary refor­ma­larynyń baǵytyn qoldaýdaǵy maqsattary men qun­dylyqtarynyń birligin taǵy bir ret kórsetip berdi. О́kildi organdardyń saılaýy Qazaqstandy damytýdyń barlyq salalaryn ınstıtýttyq re­for­­malaýdyń iske asyrylyp jatqan baǵytyn sabaqtastyra jalǵastyrýy mańyzdy. Qazaqstan halqy birliktiń, turaqtylyqtyń jáne bizdiń Otanymyzdyń ıgiligi jolyndaǵy jasam­­pazdyqtyń ózindik tarıhı jolyn aı­ǵaqtady. Qazir bizdiń aldymyzda tatýlyq pen kelisimdi nyǵaıtýdyń ortaq isin birlese jalǵastyrý min­deti tur. Álemde bolyp jatqan teketirester men janjaldar, dúnıejúzilik naryqtaǵy ekonomıkalyq turaqsyzdyq jaǵdaıynda Qazaqstan aldaǵy maqsatqa – turaqty bolashaq pen dáıekti damýǵa qaraı senimdi túrde ilgeri basyp keledi. Bul bizdiń Prezıdentimiz ben «Nur Otan» partııasynyń eńbegi dep bilemiz!  Nına KAIýPOVA, Qazaqstan áıelderi Keńesiniń tóraıymy. «Qazaqstan jastarynyń Kongresi» zańdy tulǵalar birlestigi 20 naýryzda «Nur Otan» partııasy Parlament Májilisi depýtat­tarynyń saılaýynda jarqyn jeńiske jetti. «Nur Otan» partııasynyń basty urandary – Birlik, Turaqtylyq jáne Jasampazdyq – qazaq­standyqtardyń basym kópshiliginiń joǵary qol­daýyna ıe boldy. Qazaqstan jastarynyń atynan Elbasyn, «Nur Otan» partııasyn osy jeńisimen quttyqtaımyz! Barlyq qazaqstandyqtar ózderiniń belsendi qatysýy arqyly úlken senim bildirip, Mem­leket basshysynyń dana basshylyǵymen 5 ınstıtýttyq reformany iske asyrýǵa, Qazaq­stannyń álemniń neǵurlym damyǵan jáne ozyq 30 eliniń qataryna kirýi oraıyndaǵy maqsattar men mindetterge jetýge ázirligin pash etti. Halyqaralyq baıqaýshylardyń oń pikirleri – bul álemdik qoǵam­dastyq tanyǵan bizdiń mem­leketimizdiń kemeldiginiń aıǵaǵy. Biz, jastar úshin barlyq saıası partııalar qatys­qan saılaý naýqanynyń joǵary deńgeıiniń úlgisi erekshe mańyzdy. Barlyq konstıtýsııalyq normalardyń iske asyrylýy men Qazaqstan azamattarynyń saılaý jáne saılaný quqyqtarynyń saqtalýy – bıyl biz 25 jyldyǵyn atap ótetin Táýelsizdiktiń asa mańyzdy jetistigi.  Aıdyn SÁBITOV, «Qazaqstan jastarynyń Kongresi» zańdy tulǵalar birlestiginiń atqarýshy dırektory. «Astana-Báıterek» áıelder klýby» qoǵamdyq birlestigi «Astana-Báıterek» áıelder klýby Elbasy Nursultan Ábishuly Nazarbaevty jáne «Nur Otan» partııasynyń barlyq múshelerin Qa­zaqstan Respýblıkasy Parlamenti Májilisiniń saılaýyndaǵy laıyqty jeńisimen quttyqtaıdy. Eldiń jetekshi saıası partııasynyń jeńisi daǵdarysqa qarsy tıimdi sharalardy der kezinde iske asyrýǵa jáne Qazaqstan Respýblıkasynda ınstıtýttyq reformalar baǵdarlamasyn engizý úshin qolaıly jaǵdaılar qalyptastyrýǵa kómek­tesedi dep esepteımiz. Bolyp ótken saılaý nátıjeleri qazaqstandyq qoǵam Elbasy tóńiregine toptasa otyryp, barlyq qıyndyqtardy eńserip shyǵa alatynyn taǵy bir ret kórsetti. Kezekten tys saılaý bizdiń elimizge qoǵamdy aýqymdy jańǵyrtýdyń bastapqy kezeńinde daǵdarysqa qarsy parlament jasaqtaýǵa múmkindik berdi, bizdiń memleketimizdiń demokratııalyq qun­dylyqtarǵa, birlik pen tatýlyq ıdeıalaryna jaqtastyǵyn taǵy bir ret rastaı otyryp, qoǵamdy toptastyrdy.  Tamara LAVRINENKO, «Astana-Báıterek» áıelder klýby» qoǵamdyq birlestiginiń tóraıymy. «Juldyz» balalar uıymdarynyń respýblıkalyq odaǵy qoǵamdyq birlestigi «Juldyz» balalar uıymdarynyń respýb­lıkalyq odaǵy «Nur Otan» partııasynyń Tór­aǵasy, Memleket basshysy Nursultan Ábishuly Nazarbaevty ótken saılaýdaǵy partııanyń senimdi jeńisimen quttyqtaıdy. Qazaqstan halqy shyn júrekten daýys berdi. Partııa baǵdarlamasy eldiń taıaý bolashaqtaǵy damýynyń barlyq kókjıekterin, sonyń ishinde, halyqty áleýmettik qoldaýdyń jaı-kúıin shynaıy beıneleıdi. Bizdiń uıymnyń ókilderi partııanyń naqty isterinen ana men balany qorǵaý men qoldaý sala­syndaǵy barlyq memlekettik bastamalardyń jasampazdyq negizin kóredi. Zań shyǵarýshy bılik quramynda nurotan­dyqtar aldynda «100 naqty qadam» Ult Jos­parynda belgilengen eldiń basty reformalaryn ilgeri jyljytý oraıynda kóp mindetter tur­ǵandyǵy mańyzdy. Bul qazaqstandyqtardyń basym kópshiliginiń kútken úmitine saı keledi jáne taıaý bolashaqtaǵy is-qımyldyń naqty yrǵaq-serpinin kózge elestedi. Jańa Parlamentke áleýmettik reformalardyń belgilengen baǵytyn jalǵastyrýdy jáne barlyq qazaqstandyqtardyń ál-aýqatyn jaqsartýdy tileımiz.  Elena DMITRIENKO, «Juldyz» balalar uıymdarynyń respýblıkalyq odaǵy qoǵamdyq birlestiginiń prezıdenti.