ASTANA. 26 naýryz. Búgin fýtboldan Qazaqstan quramasy Ázerbaıjanmen joldastyq kezdesý ótkizip, 1:0 esebimen jeńiske jetti. Match Túrkııanyń Antalıa qalasynda ótti. Bul týraly egemen.kz tilshisi habarlady.
Oıyndy bizdiń jigitter shıraq bastady. Birden dopqa ıelik etken qazaqstandyqtar bar bolǵany 8-mınýtta esep ashyp úlgerdi. Atap aıtqanda, Serikjan Mujyqov pen Baýyrjan Islamhannyń uıymdastyrǵan shabýylyna Maqsat Baıjanov nátıjeli núkte qoıyp, goldyń avtory atandy.
Goldan qanattanǵan jerlesterimiz budan keıin de birneshe shabýyl uıymdastyrdy. Alaıda, olar sheshýshi sátterde múlt ketip, esepti eseleý múmkindigin paıdalana almady.
О́z kezeginde Ázerbaıjan quramasynyń oıynshylary tarazy basyn teńestirýdi kózdegenimen, úziliske deıin ol oılaryn júzege asyra almady.
Ekinshi taımdy qos komanda da óte belsendi bastady. Tipti, 56-mınýtta Sergeı Hıjnıchenkoda esepti eseleıtin tamasha múmkindik bolǵanymen, onyń qaqpaǵa baǵyttaǵan doby nysanadan qıys ketti. Artynsha Maqsat Baıjanov dýbl ataný múmkindigin múlt jiberdi. Onyń jolyna Ázerbaıjan qaqpashysy Kıamran Agaev tosqaýyl boldy.
Oıyn sońyna deıin qarsylastar alma-kezek shabýyldaǵanymen, esep ózgergen joq. Jattyqtyrýshylardyń oıynǵa ózgeris engizbek bolyp, jasaǵan qadamdary da esh nátıje alyp kelmedi. Osylaısha Qazaqstan quramasy jeńiske jetip, fýtbolshylarymyz otandyq jankúıerlerdi bir qýantty.
Aıta keteıik, ótken jyldyń jeltoqsan aıynda Iýrıı Krasnojan qyzmetinen ketkeli beri fýtboldan ulttyq quramamyzdyń bas jattyqtyrýshysy áli taǵaıyndalǵan joq. Sol sebepti, búgingi oıynǵa bas komandamyzdy Talǵat Baısýfınov pen Nurken Mázbaev bastap shyqty. Sondaı-aq, jattyqtyrýshylar quramynda Andreı Ferapontov pen Iýrıı Novıkov bar. Bul mamandardyń jetekshiligimen Qazaqstan 29 naýryz kúni taǵy bir joldastyq kezdesý ótkizedi. Atalǵan synda fýtbolshylarymyz Grýzııa quramasymen sheberlik baıqasady. Odan bólek, búgingi oıyn ulttyq quramamyzdyń 2016 jylǵy birinshi resmı kezdesýi ekenin atap ótken jón
Qazaqstan – Ázerbaıjan 1:0
26 naýryz. Antalıa, Túrkııa. «Glorııa Sport Arena» stadıony.
Tóreshiler: Alı Palabııık, Djeıhýn Sesıgıýzel, Kerem Ersoı (bári de – Túrkııa).
Qazaqstan: Stas Pokatılov, Eldos Ahmetov, Iýrıı Logvınenko, Sergeı Malyı, Dmıtrıı Shomko, Maqsat Baıjanov (Islambek Qýat 60), Baýyrjan Islamhan (Azat Nurǵalıev 64), Ulan Qonysbaev (Tımýr Dosmaǵambetov 67), Serikjan Mujyqov (Gafýrjan Súıimbaev 75), Samat Smaqov (Ashat Taǵybergen 88), Sergeı Hıjnıchenko (Alekseı Shetkın 71).
Ázerbaıjan: Kıamran Agaev, Badavı Gýseınov, Arıf Dashdamırov, Maksım Medvedev (Magomed Mırzabekov 46), Rashad Sadygov (Tarlan Gýlıev 46), Araz Abdýllaev (Elvın Mamedov 69), Gara Garaev ( Rýslan Abyshov 73), Afran Ismaılov (Namık Aleskerov 61), Dmıtrıı Nazarov, Agabala Ramazanov (Djavıd Tagıev 46), Rýslan Gýrbanov.
Gol: Maqsat Baıjanov 8.
Eskertý: Islambek Qýat 86.
Elaman Qońyr.
Derek: egemen.kz.
Sýret: vesti.kz.