ASTANA. 27 naýryz. Kot-d'Ivýarda fermerler men malshylardyń qaqtyǵysynan 17 adam qaza tapty. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Másele kóshpeli malshylar men otyryqshy dıqandardyń mal jaıylymyndaǵy sý resýrsyn paıdalaný týraly kelispeýshilikten týyndaǵan. Qoraǵanys mınıstrliginiń ókili Vınsent Tohtyń aıtýynsha, oqıǵa osy aıdyń 23-nen 24-ne qaraǵan túni bolǵan. Sondaı-aq, arasha túsip, janjaldy toqtatpaq bolǵan taǵy 39 adam zardap shekkenin, olardyń ishinde beseýi qaýipsizdik kúshteri qyzmetkerleri ekenin málimdedi.
Bul berilip otyrǵan aldyn ala málimetter, al bılik jaqyn kúnderde nemese saǵattarda qaqtyǵys qurbandarynyń sany ósýi múmkin degen boljam jasap otyr.
Aıta keteıik, Kot-d'Ivýarda fermerler men malshylar arasynda qaqtyǵystar jıi bolyp turady, alaıda mundaı eleýli shyǵynǵa barǵan kezderi sırek. Sý resýrstary men mal órisin paıdalanýǵa baılanysty týyndaǵan osy kıkiljińdi sharýalardyń aıtýynsha, ol jerlerden mal aıdap ótkende, egis dalasyn talqandap ketedi.
Aıan Ábdýálı.
Derek, foto: RIA «Novostı».