QARAǴANDY. 28 naýryz. Brıtan boksshysy Amır Han (31-3, 19 KO) eger de Saýl «Kanelo» Alvaresti (46-1-1, 32 KO) jeńip, onyń chempıondyq ataǵyn ıelener bolsa, WBC belbeýin qorǵaý úshin Gennadıı Golovkınmen (34-0, 31 KO) jekpe-jekke shyǵýy múmkin. Bul týraly boxingnews24.com saıtyna silteme jasaǵan egemen.kz tilshisi habarlady.
«Golovkınmen jekpe-jek týraly aıtý ázirge qıyndaý. «Kanelony» jeńgennen keıin bul týrasynda ózimniń komandammen aqyldasyp, ári qaraı ne isteıtinimizdi talqylaımyz. Men áli 155 fýntta jekpe-jekke túsken emespin», dedi Amır Han.
Aıta keteıik, 7 mamyrda Amır Han AQSh-tyń Las-Vegas qalasynda Alvarespen jekpe-jek ótkizedi. Bul kezdesýdiń jeńimpazy 23 sáýirde Domınık Ýordpen aıqasqa túsetin Golovkınmen mindetti túrde kúsh synasatyn bolady.
Qaırat Ábildınov.
Derek: boxingnews24.com.
Foto: youfight.info.