ASTANA. 30 naýryz. Reseıde áıgili Mercedes-Benz avtokompanııasy aqaýy bar 6 myń 828 kólikti keri shaqyrdy. Bul týraly TASS aqparat agenttigine silteme jasaǵan egemen.kz tilshisi habarlady.
Kompanııa 2006 jyldyń naýryzynan 2009 jyldyń qarasha aralyǵynda shyqqan C jáne GLK úlgisindegi kólikterdiń qaýipsizdik júıesinde kemshilik bar degen qorytyndyǵa keldi.
«Kólik ıelerine shaqyrtý jibergenimizdiń birden bir sebebi, SRS basqarý blogynan aqaý tabyldy. Munyń sońy SRS-tiń júıesiz jumys isteýine alyp keledi», – dep avtokonsern basshylyǵy málimdedi.
Aıta keteıik, ótken aıda Toyota kompanııasy Japonııaǵa taraǵan 2,87 mıllıon kólikti qaýipsizdik beldiginiń durys ornatylmaǵanyna baılanysty keri shaqyrǵan. Al zańsyz qurylǵy ornatqanyna baılanysty Volkswagen konsernine Eýropanyń jáne Azııanyń birneshe elderi iri kólemdi aıyppul saldy. Sondaı-aq, AQSh-tyń Nıý-Meksıko shtatynyń basshylyǵy kompanııanyń bul isin sotqa bergen bolatyn.
Aıan Ábdýálı.
Derek: TASS.
Sýret: mercedes-benz.md.