Bes reforma – ult jospary «100 naqty qadam» Ult Josparynyń birinshi baǵyty memlekettik apparatty keshendi túrde jańǵyrtýdy qarastyrady. Bul mindetti júzege asyrý maqsatynda 2015 jyldyń sońynda «Qazaqstan Respýblıkasynyń memlekettik qyzmeti týraly» jańa zań qabyldandy.
Qazaqstan memlekettik qyzmettiń aralas úlgisinen memlekettik qyzmet júıesin qurýdyń mansaptyq qaǵıdatyna kóshti, onyń aıasynda qyzmetkerlerdiń quzyretteri men jekelegen qasıetteri birinshi kezekke shyǵady, al mansaptyq ósý úshin tómengi laýazymdarda jumys tájirıbesiniń bolýy mindetti.
Bes ınstıtýttyq reformanyń ekinshi baǵyty zańnyń ústemdigin qamtamasyz etýge baǵyttalǵan, ol 19 qadamnan turady.
Ult Josparynda zańnyń ústemdigi men quqyqtyq tártip tutas bir baǵytty qamtıdy, onyń sheńberinde usynylǵan reformalar Qazaqstanda qyzmet etip jatqan sot júıesi men quqyq qorǵaý organdarynyń jańǵyrtylýyn qamtamasyz etýge arnalǵan.
Zańnyń ústemdigi baǵyty boıynsha reformalar Qazaqstandaǵy sot júıesin neǵurlym kásibılendirýge, móldir ári izgilikti etýge baǵyttalǵan.
Otandyq sýdıalardyń daıarlyq deńgeıin arttyrý maqsatynda Sot tóreligi akademııasyn qurý jóninde sheshim qabyldandy, akademııa magıstratýrasyna alǵashqy tyńdaýshylardy qabyldaý 2016 jyldyń jazyna josparlanǵan.
Bes ınstıtýttyq reformanyń úshinshi baǵyty asa aýqymdy baǵyt bolyp tabylady jáne onda 50 qadam qamtylǵan. Halyqaralyq normalarmen sáıkestendirýdi talap etetin jekelegen qadamdardy eskermegende, barlyq qadamdardyń zańnamalyq turǵydan qamtamasyz etý negizinen aıaqtaldy.
37-45-qadamdarda aýqymdy blok qamtylǵan, bul qadamdar salyq jáne keden salasyndaǵy reformalardy qamtıdy. Osy turǵyda jarııa etý máseleleri erekshe oryn alady. Múlikti jáne aqshany jarııa etý boıynsha zańnama qabyldandy, ony iske asyrý barysynda edáýir ózgerister engizilip, teńdessiz jeńildikter men kepildikter belgilendi. Jarııa etý merzimi aǵymdaǵy jyldyń sońyna deıin uzartyldy.
80-84-qadamdardyń iske asyrylýy Qazaqstandy tirshilikti qamtamasyz etýdiń álemdik standarttaryna jaqyndastyrady. Máselen, mindetti medısınalyq saqtandyrýdy engizý aýrýhanalar men emhanalar arasyndaǵy básekelestikti arttyryp, elimizde jekemenshik medısınanyń damýyna jol ashady, sonymen qatar, árbir azamattyń dárigerlermen jáne memleketpen qatar óz densaýlyǵy úshin jaýapkershiligin kúsheıtedi.
«100 naqty qadam» Ult Josparynyń tórtinshi baǵyty sheńberinde qazirgi tańda bes pýnkt júzege asyrylý ústinde.
2015 jyldyń sońynda Prezıdent N.Á.Nazarbaev «Máńgilik El» jalpyulttyq patrıottyq ıdeıasynyń qundylyqtary negizinde qazaqstandyq birtektilik pen birlikti nyǵaıtý jáne damytý tujyrymdamasyn bekitti. Qoǵamdyq sanany qaıta qalyptastyrý jáne búkilqazaqstandyq mádenıetti nyǵaıtý turǵysynan jetekshi ról Qazaqstan halqy Assambleıasyna berildi.
Esep beretin memleketti qalyptastyrý baǵyty boıynsha 10 qadam bar. Qazirgi ýaqytta olardyń barlyǵy júzege asyrý kezeńinde, daıyndyq jumystary júrgizilýde, zańnamalyq negizder jasalǵan.
Transparentti jáne esep beretin memleket – turaqtylyq pen tabysty ekonomıkalyq jeńister kepili. Transparentti jáne esep beretin memleket qurý sybaılas jemqorlyqty nyǵaıtyp, qazaqstandyq qoǵamdaǵy azamattyq sanany ózgertedi.
93-qadamdy júzege asyrý maqsatynda «Memlekettik aýdıt jáne qarjylyq baqylaý týraly» Qazaqstan Respýblıkasynyń Zańy qabyldandy. Zań tekserýshi organdardyń rólin, derbes jaýapkershilik tetikterin engizý arqyly olardyń mindetterin júıeleıdi.
Ashyq Úkimet engizýdi qarastyratyn 94-qadam da ishinara júzege asyrylýda. Bul qadam boıynsha Ashyq Úkimetti qalyptastyrý maqsatynda qabyldanǵan sharalar kez kelgen zańǵa qaıshy kelmeıtin jolmen aqparattardy erkin alý jáne taratý jónindegi ár azamattyń konstıtýsııalyq quqyǵyn iske asyrý nátıjesinde paıda bolatyn qoǵamdyq qatynastardy retteýge baǵyttalǵan.
97-qadam boıynsha 2016 jylǵa belgilengen zańnamalyq jumystar josparyna sáıkes is-sharalar atqarylýda. Bul memleketke tán emes qyzmetterdi básekelestik ortaǵa berýge, ózin-ózi retteý men jergilikti ózin-ózi basqarýdy damytýǵa múmkindik týdyrady.
98-qadam aıasynda jergilikti ózin-ózi basqarýdyń derbes bıýdjetin engizýdiń bazalyq negizi bolyp tabylatyn jergilikti ózin-ózi basqarý organdarynyń qarjylyq derbestigin kezeń-kezeńmen keńeıtý boıynsha sharalar qabyldandy.
99-qadam memlekettik organdar men ákimdikter janyndaǵy qoǵamdyq keńesterdiń rólin kúsheıtýdi qarastyrady. О́tken jyldyń sońynda «Qoǵamdyq keńester týraly» Qazaqstan Respýblıkasynyń Zańyna qol qoıyldy. Ol qoǵamdyq keńester qyzmetiniń qurylýy men uıymdastyrylý tártibin anyqtaıdy.
100-qadam sheńberinde 2016 jylǵy 1 naýryzda «Úkimet azamattary úshin» memlekettik korporasııasyn qurý jónindegi qaýly kúshine endi. Azamattardyń basyna týatyn ómirlik jaǵdaılarda keshendi qoldaý kórsetýge kóshý memlekettik korporasııa jumysynyń mańyzdy qaǵıdatyna aınalmaq.