Jetekshi qurylymnyń jeńisti joly

Keshe Astana qalasyndaǵy Tuńǵysh Prezıdent kitaphanasynda «Nur Otan» partııasy Qazaqstannyń saıası tarıh tolqynynda» atty oqý quralynyń tusaýkeser rásimi ótti. Partııanyń Saıası menedjement mektebiniń avtorlyq ujymy daıyndaǵan bul eńbekte «Nur Otan» fenomeni keshendi taldanyp, onyń qalyptasý kezeńi baıandalǵan. Is-sharaǵa bastaýysh partııa uıymdarynyń basshylary, qazaqstandyq sarapshy mamandar men ǵalymdar jáne jastar uıymdarynyń jetekshileri qatysty. Jıyn barysynda olar jańa oqý quralynyń tıimdiligimen qatar, par­tııanyń Parlament Májilisi saılaýyndaǵy aı­qyn jeńisin de nazarǵa alyp, bul halyqtyń El­ba­syna degen seniminiń nátıjesi ekenin aıtty. О́ziniń quttyqtaý sózinde «Nur Otan» partııasynyń hatshysy Farhad Qýanǵanov kitapta Qazaqstannyń saıası tarıhyndaǵy negizgi kezeńder tolyq qamtylǵanyna toqtaldy. Sondaı-aq, ol: «Búginde elimizde dál osyndaı myqty ári harızmalyq kóshbasshysy bar, basqarýshylyq tájirıbesi mol eshqandaı saıa­sı kúsh joq dese de bolady. Bizdiń partııa­da qyzmet etetin mamandardyń biliktiligi jo­ǵary deńgeıde. Sol sebepti de, «Nur Otan» qazirgi zamannyń tegeýrindi talaptary­na tolyq tótep bere alady. Biz tek saılaý naý­qanynda ǵana emes, barlyq mezgilde tu­raqty túrde halyqpen jumys istep kelemiz. Par­­tııamyzdyń ótken saılaýdaǵy 82,2 paıyz daýys jınaýy sonyń jemisi. Halyqtyń mun­shalyqty azamattyq belsendilik tanytýy olardyń Elbasynyń birlikke, turaqtylyqqa jáne jasampazdyqqa bastaıtyn saıasatyn qoldaıtyndaryn bildiredi», – dedi. О́z kezeginde Prezıdent janyndaǵy Qazaqstan strategııalyq zertteýler ınstı­týtynyń bas ǵylymı qyzmetkeri Iýrıı Býlýktaev oqý quralynyń erekshe­likteri jaıyn­da aıtyp ótti. Onyń sózine qaraǵanda, bul eńbekte «Nur Otan» partııasynyń qyzmeti, qalyp­tasýy men damý satylary jáne uıym­da­s­tyrý máseleleri egjeı-tegjeıli baıan­dalǵan. Al Tuńǵysh Prezıdent kitap­hanasy dırektorynyń orynbasary Jap­sarbaı Qýanyshev Memleket basshysy Nursultan Nazarbaevtyń partııanyń rýh berýshisi jáne negizgi uıymdastyrýshysy retindegi róline kópshiliktiń nazaryn aýdardy. Sonymen qatar, sharaǵa qatysýshylar saıa­sattaný mamandyǵy boıynsha bilim alyp júrgen stýdentter úshin de atalǵan oqý quralynyń mańyzdy ekenine mán berdi. Bul jóninde joǵaryda atalǵan strategııalyq zertteýler ınstıtýtynyń bólim meńgerýshisi Alýa Joldybalına: «Jańa ádistemelik qural – júıeli ári keshendi eńbekterdiń biri. Sondyqtan da, bolashaq saıasattanýshylar úshin taptyrmas oqý quraly desek, artyq emes. Ásirese, saıası partııalar jáne partııalyq júıeler páni úshin aýadaı qajet ádebıet. Olaı deıtin sebebim, birinshiden, kitapta partııanyń tarıhynan bas­tap, búginge deıingi qyzmeti, júrip ótken joly, baǵdarlamalary týraly jan-jaqty málimetter berilgen. Ekinshiden, onyń qosymshasynda partııa qyzmetindegi barlyq zań aktileriniń tizimi, ıaǵnı naqty qandaı máselelerdi retteıtini kórsetilgen. Úshinshiden, ınnovasııalyq ádister máselesi laıyqty deńgeıde atap ótilgen. Ol týraly eńbektiń jetinshi bóliminde keńinen aıtylady. Kitaptaǵy osyndaı basymdyqtar arqyly onyń stýdentter men magıstranttar úshin de mańyzy joǵary ekenin atap kórsetkim keledi», – dedi. Budan bólek, basqosýda oqý quralyn­da­ǵy ınfografıkalar týraly aıtylyp, onyń oqyrmandar úshin ońtaıly tásil ekeni sóz boldy. Minberge shyǵyp, sóz sóı­le­genderdiń barlyǵy kitapqa joǵary baǵa berip, daıyndaǵan ujymǵa alǵys­taryn jetkizdi. Shara sońynda «Nur Otan» partııasy Qazaqstannyń saıası tarıh tolqynynda» kitaby Tuńǵysh Pre­zı­dent kitaphanasynyń qoryna saltanatty jaǵdaıda tapsyryldy. Elaman QOŃYR, «Egemen Qazaqstan».