Máskeýde moda álemin moıyndatty

Sońǵy ýaqytta sán áleminiń beldi ókili – «Symbat» sán akade­mııasynyń art-dırektory Balnur Asanovanyń joly bolyp tur. О́tken jyly kúzde Máskeýdegi Reseı Syrtqy ister mınıstrliginiń Dıplomatııalyq akademııasynda Eýrazııalyq júldeniń «Dızaın» nomınasııasy boıynsha altyn laýreaty atanǵan Asanova bar bolǵany bir aıdan keıin máskeýlikterdi taǵy da tánti etken bolatyn. Jyl saıyn ótkiziletin Máskeý sán aptalyǵy – álemdegi eń bedel­di parıjdik, mılandyq, nıý-ıork­tik, londondyq bestiktiń biri bolyp tabylady. Asanova bul aptalyqqa 2003 jyldan beri qatysyp keledi jáne kásipqoılyq turǵyda básekelesterin moıyn­datýǵa kóshti. Dızaıner retinde ábden keme­line kelgen Asanova moda álemin tańǵaldyramyn dep ersi eksperımentterge barmaı-aq, jeksenbi, 27 naýryzda Máskeýde ótken ha­lyq­aralyq sán aptalyǵynda «Hrýs­­talnyı» podıýmynda árip­testerin taǵy bir ret moıyndatty. Qazirdiń ózinde moda qýǵan máskeýlikterge tanymal bolyp úlgergen qazaq dızaınerin qoldaýǵa sondaǵy dostary jáne Reseı artısteri men reseılik blogerler kelgen. Eger bıylǵy Máskeýdegi sán aptalyǵyn nasıhattaýǵa 3 myńnan astam sheteldik jyltyr jýrnaldar, halyqaralyq telearnalar tirkelgenin eskersek, onda oqıǵanyń mańyzdylyǵy arta túspek. Asa bedeldi sán aptalyǵyna bul joly Asanova «Kúz-Qys –  2016-2017» kıim úlgilerin aparǵan. Qazaq qyzynyń barynsha kreatıvti kolleksııasy – toqyma kıimderge túsken san alýan kestelerimen kelý­shilerdiń kózin arbap, baǵa­syna qaramaı, jańa kolleksııany satyp alýshylarǵa umtylǵan adamdar kóptep tabylypty. Bıyl Balnur birinshi ret trıkotajdyq kıimdermen jumys istep, sán álemine súıredi. Osy arada Balnurdyń sán úlgileri ózindik sıpattan ajyra­maı­tynyn, buljymaıtyn tujy­rymdy alǵa súıreıtin tamasha stıli bar ekendigin ataǵan jón. Ár­túrli jipterden toqylǵan kıim­derge túsken órnekter men kórkem kesteler, jibek aralasqan arabeskalyq sıpattar Máskeýdi taǵy da moıyndatty. Qazaqstandyq fashion-ındýs­trııanyń bastaýynda turǵan Bal­nur elimizdiń memlekettik baıra­ǵynyń etalony men QR Tuń­ǵysh Prezıdentiniń shtandartyn daıyn­daǵanyn udaıy maqtan tutady. Aınash ESALI, «Egemen Qazaqstan». ALMATY.