QARAǴANDY. 31 naýryz. Qaraǵandy oblysynda jolaýshylar poıyzy 27 jastaǵy er adamdy qaǵyp ketti. Bul týraly Ishki ister mınıstrligi kóliktegi ishki ister departamentiniń baspasóz qyzmetine silteme jasaǵan egemen.kz tilshisi habarlady.
Qaıǵyly oqıǵa Osakarovka kentine kire beriste bolǵan. Er adam belgilenbegen jerden ótip bara jatqanynda «Astana-Almaty» baǵyty boıynsha qatynaıtyn jolaýshylar poıyzynyń astyna túsken.
Qazirgi ýaqytta adam ólimine ákelgen oqıǵaǵa baılanysty quqyq qorǵaý organdary Qylmystyq kodekstiń 344-babyna sáıkes tergeý amaldaryn júrgizýde.
Aıta keteıik, jyl basynan beri temir joldyń tyıym salynǵan jerinen ótken 7865 adam ákimshilik jaýapkershilikke tartylǵan. Al sońǵy 3 aı ishinde 33 oqys oqıǵa tirkelgen. Onyń jartysyna jýyǵy adam ólimine ákelip soqqan.
Qaırat Ábildınov.
Derek: Ishki ister mınıstrligi Kóliktegi ishki ister departamentiniń baspasóz qyzmeti.
Foto: rg.ru.