QOSTANAI. 31 naýryz. Qostanaıda polıseıler jalǵan elektrshi bolyp, turǵyndardyń senimine kirip, páter tonap júrgen 28 jasar jigitti ustady. Jalǵan elektrshiniń sońǵy qurbany 62 jastaǵy zeınetker boldy. Bul týraly Oblystyq ishki ister departamenti baspasóz qyzmetine silteme jasaǵan egemen.kz tilshisi habarlady.
Páter qońyraýyn qaqqan bóten jigit esiktiń ar jaǵynan ózin «elektrshimin» dep tanystyryp, úıdegi jelilerdi tekseretinin aıtady. Oǵan alańsyz sengen qarııa páterine kirgizedi. Buryn sottalǵan kúdikti áıeldiń nazaryn aýlap turyp, onyń 23 myń teńgesin jymqyryp ketedi. Elektrsh» ketisimen aqshasynyń da joqtyǵyn baıqaǵan áıel dereý polısııaǵa habar beredi. Polıseıler esiktiń ár jerinen ózderi kúdiktengen adam saýsaǵynyń izin baıqaıdy. Sol kúni ury ustalady. Onyń ústinen Qylmystyq kodekstiń «Urlyq» baby boıynsha is qozǵaldy.
Qazir kúdiktiniń basqa da urlyqtarǵa qatysynyń barlyǵy tekserilip jatyr.
Názıra Járimbetova.
Derek, foto: egemen.kz.