ORAL. 28 naýryz. Batys Qazaqstan oblysynyń ortalyǵy – Oral qalasynda Halyqaralyq teatr kúni óner ujymy jumysyn bastady. Bul týraly 24.kz telearnasyna silteme jasaǵan egemen.kz tilshisi habarlady.
Teatrdyń rejısseri ári kórkemdik jetekshisi belgili akter – Erkin Tasbolat. «Uly dala» ataýyn ıelengen teatr keleshekte álemdik deńgeıdegi shyǵarmalardy sahnalaýdy maqsat etedi. Ázirge negizgi kórermeni – jetkinshekter. Sondyqtan bolar, tusaýkeser qoıylym shymyldyǵy da «Saq bol» atty halyq ertegisimen túrildi. Bul týyndyny kórermen jyly qabyldady. Bezendirilýi, dekorasııa men akterlerdiń oınaý sheberligi de kópshilik kóńilinen shyqty.
Teatr dırektory Aıjan Hamıdýllınanyń aıtýynsha, búginde ujymnyń 5 akteri óner salasynda bilim alyp júr. «Odan bólek, bir mýzykalyq operatorymyz bar. Ázirge ujymymyz kishkentaı. Soǵan qaramastan, aldaǵy ýaqytta oblys, respýblıka deńgeıinde qalyp qoımaı, Qazaqstannyń týyn álemdik deńgeıde kóterip, ózge memleketke aparyp tanytqymyz keledi», – deıdi óner ordasynyń basshysy.
Temir Qusaıyn.
Derek, sýret: 24.kz.