Keshe Májilis Spıkeri Baqtyqoja Izmuhambetovtiń tóraǵalyǵymen Májilis bıýrosy ótip, aldaǵy jalpy otyrystyń kún tártibi naqtylandy, dep habarlady osy palatanyń baspasóz qyzmeti.
Onda depýtattar talqysyna «Qazaqstan Respýblıkasynyń Úkimeti men Halyqaralyq qaıta qurý jáne damý banki arasyndaǵy Qazaqstan Respýblıkasynda ofıster qurý jáne olardyń jumys isteýi týraly kelisimdi ratıfıkasııalaý týraly» zań jobasy usynylmaq.
Bul kelisimge 2016 jyldyń 21 qańtarynda Shveısarııanyń Davos qalasynda Dúnıejúzilik ekonomıkalyq forým aıasynda qol qoıylǵan. Jańa kelisim Dúnıejúzilik banktiń Qazaqstandaǵy barlyq ofısteri men qyzmetkerleriniń maqsattaryn, mártebesin, artyqshylyqtary men ımmýnıtetterin aıqyndaıdy.
Sonymen qatar, jalpy otyrysta Qazaqstan halqy Assambleıasynyń depýtattyq tobyn tirkeý máselesi qaralmaq.