Tasymaldaý tasqyny tolastamaıdy

Jahandyq ekonomıkalyq daǵdarystyń damı túsýinen energııa men mıneraldyq resýrstardyń iri tutynýshy elderiniń ekonomıkasy resessııaǵa ushyraýy, negizgi energııa tasymaldaǵyshtarǵa baǵanyń tómendeýi jáne sáıkesinshe eksporttaýshy elder úshin qarjy túsimderi kóleminiń azaıýy Qazaqstannyń ekonomıkasy men óndirisine keri áserin tıgizýde. Elbasy Nursultan Nazarbaev 2015 jylǵy qarasha aıyndaǵy «Nurly Jol – bolashaqqa bastar jol» atty halyqqa arnaǵan Joldaýynda «Qazaqstannyń ekonomıkasyna búginde birqatar syrtqy faktorlar keri áser etýde, álemdik naryqtarda baǵa quldyraýda jáne tutastaı alǵanda, ekonomıkalyq ósim baıaýlaýda. Jahandyq daǵdarys bizge baılanysty emes. Jahandyq daǵdarystardan eshkim de saqtandyrylmaǵan» dep atap kórsetti. Alaıda, jahandyq daǵdarystyń kúrdeliligine qaramastan, barlyq kompanııalar odan ári ósýge umtylýy qajet jáne syrtqy dúnıeniń shaqyrýyna sáıkes reformalar júrgizýi qajet. «QazTransOıl» AQ-ta bul oraıda Elbasynyń Qazaqstan halqyna ótken jylǵy qarasha aıyndaǵy Joldaýynda belgilengen daǵdarysqa qarsy strategııanyń negizgi joramaldaryn júzege asyrý úshin qandaı jumys atqarylýda ekendigin osy kompanııanyń bas dırektory (basqarma tóraǵasy) Nurtas ShMANOV bylaısha áńgimeleıdi. – Nurtas Nurybekuly, 2015 jyl Qazaqstannyń barlyq óndi­ristik salalary, onyń ishin­de munaı-gaz sektory úshin is júzinde ońaı bolǵan joq. Je­keleı alǵanda, Energetıka mı­nıstrliginiń málimetteri bo­ıynsha, 2015 jyly munaı já­ne kondensat óndirý kólemi 79,46 mln. tonna qurady, bul 2014 jylǵy óndirý deńgeıine qatys­tylyǵy jóninde 98,3% quraıdy. Sáıkesinshe mu­naı tasymaldaý kólemi de tó­mendeýde. Kom­panııanyń taıaýda jarııalanǵan qarjylyq esep­tiligine sáıkes, kom­panııanyń shoǵyrlandyrylǵan taza paıdasy tómendedi. Kompanııa qyz­­metiniń ótken jylǵy ne­gizgi kórsetkishteri týraly to­lyǵyraq aıtyp ótseńiz. – «QazTransOıl» AQ magıstraldy munaı qubyry boıynsha elimizdiń ulttyq operatory retinde burynǵydaı naryqta kóshbasshy bolyp otyr, elimizde óndiriletin barlyq munaı kóleminiń 50%-dan astamyn tasymaldaıdy. 2015 jyldyń qorytyndysy boıynsha «QazTransOıl» AQ kompanııalar tobynyń munaı jáne munaı ónimderin tasymaldaý men qo­tarýdyń shoǵyrlandyrylǵan kólemi 61 mln. tonna qurady, bul josparly kórsetkishten 1,8 mln. tonna artyq, biraq 2014 jylǵy uqsas kórsetkishten 3 mıllıon tonnaǵa azyraq. Osylaısha mu­naıdyń shoǵyrlandyrylǵan júk aınalymy 45,5 mlrd. tonna shaqyrym qurady, bul josparly kórsetkishten 1,7 mlrd. tonna shaqyrym joǵary jáne 2014 jylǵy uqsas kórsetkishten 1,2 mlrd. tonna shaqyrym ar­tyq. Atyraý jáne Mańǵystaý oblystarynyń tuty­nýshylaryna sý jetkizý kólemi – 2014 jylmen salystyrǵanda 183 myń tekshe metrge artty. Tutastaı alǵanda, biz óndiristik kórsetkishterdiń negizgi jos­parlaryn oryndap shyqtyq. Al atqarǵan qyzmettiń qarjy­lyq nátıjelerine keletin bolsaq, 2015 jyldyń qorytyndysy boıynsha «QazTransOıl» AQ-tyń shoǵyrlandyrylǵan taza paıdasy 44,7 mlrd. teńge qurady, bul 2014 jylǵy nátıjeden 3,7% tómen. Sonymen kompanııanyń jekelegen taza paıdasy – 79,6 mlrd. teńgege edáýir ósip, ótken jylǵy nátıjeden 38%-ǵa joǵary boldy. «QazTransOıl» kompanııalar toby úshin tabystyń negizgi faktorlary munaı tasymaldaý jáne qyzmetterge tarıfterdiń kólemi bolyp tabylady. Bul jaǵdaıda tasymaldanatyn munaı kóleminiń tómendeýi tasymal aına­lymynyń kemýine sebep bola almaıdy, kerisinshe byltyrǵy jyldyń qorytyndysy boıynsha ósim baıqalýda. Mynany aıtý mańyzdy, munaıǵa álem­dik baǵalar bizdiń tarıfterdiń deń­geıine áser etpeıdi, óıtkeni, ýákiletti memlekettik organ be­kitken tarıftik ádistemege sáı­kes, «QazTransOıl» AQ-tyń paıdalaný shyǵyndary tarıfke áser etetin negizgi faktor bo­lyp ta­bylady. Olar negizgi qu­raldardyń quny, ınvestısııalar, qyzmetter kólemi. Osylaısha, munaıǵa álemdik baǵalar esep aıyrysý faktory retinde tarıfke qatyspaıdy. «QazTransOıl» AQ kompanııalar tobynyń sho­ǵyrlandyrylǵan paıdasynyń tómendeýine keletin bol­saq, atal­ǵan jaǵdaıda «Qazaqstan – Qytaı Qubyry» JShS-daǵy qar­­jy­lyq nátıjelerdiń nasharlaýy keri rólin tıgizdi, bul negizinen 2014-2015 jyldardaǵy ulttyq valıý­tanyń qunsyz­danýyna baılanysty boldy. – 2015 jyly alynǵan paı­danyń negizinde halyqtyq ınvestorlar qan­daı dıvıdendter kútedi? – 2015 jylǵy bir jaı aksııa úshin eseptegende dıvıdend somasy men mólsheri týraly sheshim aksıonerlerdiń jyldyq jalpy jınalysynda qabyldanatyn bolady. Jınalys bıylǵy jylǵy mamyr aıynda ótedi. 2014 jylǵy jaqsy qarjylyq kórsetkishterdiń arqasynda biz 2015 jyly aksıonerlerge 46,4 mıllıard teńge mólsherinde joǵary dıvıdendter nemese bir aksııaǵa 120,7 teńge tóleýge qol jetkizdik. 2012-2014 jyldardyń qorytyndysy boıynsha biz barlyǵy 117 mıllıard teńgeden astam jalpy somaǵa dıvıdendter tóledik. – Elbasy óziniń Joldaýyn­da bıýd­jet saıasatyn ońtaı­landyrýǵa, mem­lekettik tabys­tar men shyǵystar júıesin qaıta qaraýǵa erekshe nazar aýdarǵan. Bul tapsyrma tek mem­­lekettik organdarǵa ǵana emes, sondaı-aq, bıýdjettiń tabys bóligin quraı­tyn barlyq iri kompanııalarǵa da qatysty. «QazTransOıl» AQ son­daı-aq elimiz­diń iri salyq tóleýshi kom­panııasy bolyp tabylady. Je­ke shy­ǵystardy ońtaılandyrý úshin kompanııa qandaı sharalar qabyl­daýda? – Mynany atap ótken jón, «QazTransOıl» AQ shyǵyndardy tıim­di basqarý boıynsha júıeli jumysty birneshe jyldan beri júrgizip keledi. Jekeleı alǵanda, 2012 jyly «QazTransOıl» AQ-ta shyǵyndardy bas­qarýdyń baǵdarlamasy jasalyp, bekitildi. Onyń basty mindeti óndiristik, jalpy, ákimshilik jáne tarıftik emes shyǵystardy ońtaılandyrýǵa baǵyt­talǵan is-sharalardy júzege asyrý esebinen shyǵyndardy oń­taılandyrý jáne odan ári tıimdi basqarý bolyp tabylady. Baǵdarlama bes jyldyq kezeńge arnalyp jasalǵan jáne jyl saıyn bir jylǵa kókjıektiń keńeıýimen josparlaý ózektendiriledi. 2013-2015 jyldary barlyǵy, shy­ǵyndardy basqarý boıynsha is-sharalar arqasynda, 7,6 mlrd. teńge mólsherinde ekonomıkalyq tıimdilikke qol jetkizildi. 2016-2020 jyldarǵa shyǵyn­dardy basqarý baǵdarlamasy ońtaılandyrýdy jáne óndiriske resýrstardyń úlestik tutynýyn tómendetý esebinen 23 mlrd. teńgeden astam somaǵa óndiristik shyǵystardy qysqartýǵa jáne iske qosylmaǵan aktıvterdi qys­qartýǵa, sondaı-aq, tarıftik sme­talarǵa kirmeıtin shyǵystardy qysqartýdy kózdeıdi. Osy arada mynany atap aıtý kerek, «QazTransOıl» AQ 2016-2020 jyldarǵa bıznes-jospar qalyptastyrý kezinde 11 mlrd. teńge somaǵa josparlanatyn shyǵyndardy qosymsha qys­qartty. Energııa únemdeý jáne jylý men elektr energııasynyń nor­matıvtik-tehnıkalyq shyǵyn­daryn tómendetý boıynsha kom­panııada júrgiziletin ju­mys­tar naqty jaǵdaıda isteýde jáne birneshe jyldan beri únem­deýdiń joǵary nátıjelerin berýde. Sorǵy stansalarynda jumystyń ońtaıly rejimderi óndiristik fılıal­darǵa engizilýi nátıjesinde biz elektr energııasyn jáne gazdy tutynýdy edáýir qys­qarttyq. Munaı aıdaýǵa elektr energııasynyń úlestik shyǵysy 2009 jyldan bastap 13,6%-ǵa – 2009 jyldan 2015 jylǵa deıin 5,44 myń kVt saǵat/mln. tonna shaqyrymnan 4,7 myń kVt/mln. tonna shaqyrymǵa tómendedi. Gaz tutynýdyń dınamıkasy edáýir únemdeýdi kórsetip otyr – 2009 jyly 165,3 mln. tekshe metrden 2015 jyly 127,4 mln. tekshe metrdi qurady. 2009 jyldan bas­tap 2015 jyl aralyǵynda energııa-resýrs únemdeý salasynda kompanııada júrgizilgen jumystar nátıjesinde energııa resýrstarynyń negizgi túrlerin tutyný 21%-dan astamǵa qysqartyldy, jáne osy kezeń ishinde munaı tasymaldaý júk aınalymy 6,13%-ǵa artty, sý jetkizý kólemi 32,08%-ǵa ulǵaıdy. Aqshalaı alǵanda únemdeý shamamen 7,2 mlrd. teńge qurady. Qosymsha mynany atap aıtqym kelip otyr, 2015 jyly «QazTransOıl» AQ kompanııalar toby memlekettik bıýdjetke baǵyttaǵan barlyq salyq jáne ózge aýdarymdar 41,6 mlrd. teńgeden astam qurady, onyń ishinde QTO boıynsha jekeleı alǵanda – 29,3 mlrd. teńge boldy, birlesken-baqylanatyn uıymdar boıynsha – 12,3 mlrd. teńge aýdaryldy, bul Elbasynyń ótken jylǵy qarasha aıyndaǵy Joldaýynda aıtylǵan tapsyrmalaryn júzege asyrýǵa yqpal etedi. Biz shyǵystardy ońtaılandyrý kezinde magıstraldy munaı qu­byrlaryn damytýǵa jáne se­nimdi jaǵdaıda kútip ustaý­ǵa ba­ǵyttalǵan ózimizdiń óndi­ristik baǵdarlamamyzdy qys­qartpaıtyn boldyq. Biz elimizdiń energetıkalyq qaýip­sizdigin qam­tamasyz etemiz jáne ishki naryqqa jáne eksportqa munaıdy ýaqtyly ári irkilissiz tasymaldaý bóligindegi memlekettiń halyqaralyq mindettemelerin oryndaýdamyz. Osyǵan baılanysty, atalǵan óndiristik shy­ǵyndardy únemdeý biz úshin erekshe qymbatqa túsedi jáne memleket ımıdjine aıtarlyqtaı zalalyn tıgizýi múmkin. 2015 jyly biz jalpy uzyndyǵy 175,6 shaqyrym munaı qubyrlarynyń ýchaskelerin aıyrbastaý boıynsha barlyq josparlanǵan jumystardy atqardyq. Jekeleı alǵanda, ótken jy­ly júzege asyrylǵan iri jobalardan, jalpy uzyndyǵy 102,6 shaqyrym «Týımazy – Omby – Novosibir-2» (TON-2) magıstraldy munaı qubyrynyń qazaqstandyq ýchaskesinde qubyrlardy aıyrbastaý jumystary júrgizilgenin atap aıtqan jón. TON-2 munaı qubyryn kúrdeli jóndeýdi júzege asyrý 2014 jyly bastalǵan edi. Ol otandyq munaı óńdeý zaýyttaryna Batys Qazaqstannyń munaıyn jetkizýdi qamtamasyz etý jáne Omby – Prıırtyshsk – Atasý – Ala­shańqaı baǵdary boıynsha Qytaı Halyq Respýblıkasyna Qazaqstan Respýblıkasynyń aýmaǵy arqyly tranzıtpen Reseı munaıyn senimdi tasymaldaý maqsatynda júrgizilýde. 2016 jyly TON-2 munaı qubyryn jańǵyrtý aıaqtalady. Joba sheń­berinde barlyǵy 185,6 shaqyrym qubyr aıyrbastalady. Sondaı-aq, 2014 jyldan bastap «Qalam­qas – Qarajanbas – Aqtaý» já­ne «О́zen – Jetibaı – Aqtaý» mu­naı qubyrlaryn jańǵyrtý jóninde jumystar atqarylýda. Qazirgi kezde «О́zen – Jetibaı – Aqtaý» munaı qu­byryn jańǵyrtý aıaqtalyp, ol paıdalanýǵa berildi. Tutastaı alǵanda atalǵan munaı qubyrlaryn jańǵyrtý jobasy 2014-2017 jyldarǵa eseptelgen, ol Aqtaýdan Atyraý baǵytyna qaraı Bozashy munaıyn senimdi tasymaldaýdy qamtamasyz etý úshin iske asyrylýda. Budan basqa, 2015 jyly jalpy uzyndyǵy 19 shaqyrym bolatyn «Pavlodar – Shymkent» munaı quby­rynyń ýchaskeleri aıyrbastaldy. Atal­ǵan jumystar Qazaqstan – Qytaı qubyr júıesin keńeıtý sheńberinde júrgizildi, bul «Pavlodar – Shymkent» munaı qubyrynyń Jumaǵalıev – Atasý ýchaskesinde jylyna 17,8 mln. tonnaǵa deıin ótkizý qabilettiligin arttyrýǵa múmkindik berdi. – Memleket basshysynyń kezekti Joldaýynda qoıylǵan jańa tapsyrmalardy eskere otyryp, kompanııa aǵymdaǵy jyly qandaı josparlardy atqarmaq? – Ústimizdegi jyly «QazTransOıl» AQ 663 shaqy­rymdyq MAS-ty (munaı aıdaý stan­sasyn) jańǵyrtýdan jáne atalǵan obektini keńeıtýden keıin paıdalanýǵa tapsyrýdy josparlap otyr. Bul joba Qazaqstan – Qytaı munaı qubyryn kezeń-kezeńimen keńeıtýdi júzege asyrý sheńberinde atqarylady. Búgingi tańda 663 shaqyrymdyq MAS О́zen – Atyraý magıstraldy munaı qubyrynan Atyraý munaı óńdeý zaýytyna túsetin Mańǵystaý munaıyn jetkizýde. Munaı tasymaldaý 663 sha­qyrymdyq MAS – Atyraý munaı óń­deý zaýyty munaı qubyry boıynsha júrgizilýde. Jańǵyrtý nátıjesinde ishki naryqqa (Pav­lodar munaı-hımııa zaýyty jáne Shymkent munaı óńdeý zaýyty) jáne Qytaıǵa eksportqa Atyraýdan Batys Qazaqstannyń munaıyn jetkizýdi qamtamasyz etý úshin Keńqııaq – Atyraý (jumystyń reverstik rejiminde), sondaı-aq 663 shaqyrymdyq MAS –  arqyly munaıdy aıdaýdy iske asyrý múmkin bolady. Biz bıylǵy jyldyń úshinshi toqsanynda jobany jańǵyrtýdy aıaqtaýdy kózdep otyrmyz. 663 shaqyrymdyq MAS-tyń qury­lysymen qatar «Keńqııaq» basty munaı aıdaý stansasyn jańǵyrtý júrgiziledi. Bul Aty­raýdan Batys Qazaqstan munaıyn «Keńqııaq» basty munaı aıdaý stan­sasyna qabyldaý kólemin ul­ǵaıtý úshin qajet, birinshi kezek sheńberinde – 6 mln. tonnaǵa deıin, ekinshi sheńberde – jylyna 12 mln. tonnaǵa deıin, bul Keńqııaq – Qumkól munaı qubyry boıynsha keıinnen tasymaldaý úshin qajet. – Joldaýda aıtylǵan jańa áleý­mettik saıasat aıasynda ju­mysshy kásip­terin ıgerýge jas­tardy tartýǵa, sondaı-aq Jalpyǵa Ortaq Eńbek Qoǵamyn qurý ıdeıasyn damytýǵa erekshe nazar aýdarylǵan, onda árbir adam óziniń eńbegimen memleketke paıda tıgizýi qajet delingen. О́ndiriske jas­tardy tartý jáne adam resýrstaryn damytý salasynda «QazTransOıl» AQ-ta qandaı jumystar júrgizilýde? – «QazTransOıl» AQ atqa­ratyn basym isteriniń tizimindegi alǵashqy oryndardyń birin qyzmetkerlerdi oqytý, biliktilik deńgeıin arttyrý alyp otyr. Kásiporynda elimizdegi já­ne shetelderdegi joǵary oqý oryndarynda, beıindik kolledjderde jáne kompanııanyń oqý-kýrs kombınatynda maqsatty daıarlyqtan jáne qaıta daıarlaýdan ótken júzdegen joǵary bilikti mamandar eńbek etedi. Budan basqa adam resýrstaryn damytý jáne yntalandyrý júıesin engizý «QazTransOıl» AQ damýynyń strategııalyq baǵyttarynyń biri bolyp tabylady. Sondyqtan da qyzmetkerlerdi oqytýǵa barlyq shy­ǵyndardy adam resýrstaryn da­mytýǵa arnalǵan uzaq merzimdi ınves­tısııalar retinde qarastyramyz. 2015 jyly «QazTransOıl» AQ-tyń kóp­tegen jumyskerleri ózderiniń jumys tıimdiligin arttyrý úshin qajetti bir­neshe márte oqyp-úırenýden ótti. Oqy­týdyń jalpy sany 557 is-sharany qurady, bul 2014 jylmen salystyrǵanda 36%-ǵa artyq. Oqyp-úırenýden ótken jumyskerlerdiń jalpy sanynan 65%-y óndiristik qyzmetkerler. Qaıta daıarlaý jáne biliktilikti arttyrý kýrstarynyń edáýir bóligi kompanııanyń Batys fılıalyndaǵy oqý-kýrs kom­bınatynyń negizinde júrgiziledi. Osy arada atalǵan oqý-kýrs kombınatyn munaı-gaz sektorynda mamandar daıarlaýdy jáne qaıta daıarlaýdy júzege asyratyn eń tańdaýly beıindik mekemelerdiń biri dep tolyq aıtýǵa bolady. Biz óz qyzmetimizde ju­mys tıim­diligin arttyrýǵa baǵyt­talǵan shara­lardy, ásirese, qyzmetkerlerge qam­qorlyq kórsetýdi árdaıym nazarda ustaımyz. Osyndaı jumystyń negizinde qyzmetkerlerdiń áleýmettik qorǵalýyna jaǵdaı jasap, ujymda turaqtylyqty qamtamasyz etemiz. Bul jáne basqa qaǵıdattar «QazTransOıl» AQ-tyń óz ujymy aldyndaǵy áleý­mettik jaýapkershiligi, ózekti basym­dyǵy jáne adam resýrstaryn basqarý salasyna baǵyttalǵan qyzmeti ekendigi kompanııanyń jańartylǵan kadrlyq saıasatynda belgilengen. Ol 2015-2019 jyldarǵa arnalyp qabyldanǵan. Jekeleı alǵanda, búgingi kúni kompanııa­da kadrlyq rezerv qalyptastyrylǵan, jastar saıasaty jasalǵan. Biz óndi­risten qol úzbeı jumys oryndarynda oqytatyn tálimgerlik júıesin keńi­nen nasıhattap, damytamyz. Ony óz keze­ginde ujymda bıik bedelge ıe maman­dyǵynyń maıtalmany atanǵan mol tájirıbeli jumyskerler júrgizedi. Bul bizdiń jumysymyzda óte mańyzdy bolyp sanalady, óıtkeni, teorııalyq jaǵynan bilimdi bolýyna qara­mastan, kóptegen jumyskerler is júzinde biliktiliktiń qyry men syryna ábden qanyǵady. Budan basqa, jumys oryndarynda, óndiristen qol úzbeı jyl saıyn jumysshylardy oqytý júrgizilip keledi. Bul bizdiń jumysshylardyń bilim deńgeılerin qalypty ustaýǵa jáne sáıkesinshe deńgeıin tereńdetýge óte qajet. Mynany maqtanyshpen aıtqym keledi, bizdiń óndiristik obek­tilerde negizinen joǵary bilikti mamandar eńbek etedi. Olar ozyq tehnologııalarmen jáne zamanaýı jabdyqpen jumys isteýge mashyqtanǵan. Kom­panııada joǵary kásibı mamandardy qashanda qurmetteý dástúrge aınal­ǵan. Sonymen birge, ýnıversıtet qabyrǵasynda júrgen bolashaq mamandardy ózimizge tartýǵa belsendi túrde aınalysýdamyz. Mine, on jyldan astam ýaqyttan beri kompanııa «Jas maman» baǵdarlamasyn júzege asyryp keledi. Oǵan qatysýshylar jeke jáne iskerlik nátıjesi boıynsha keshendi taldaý negizinde iriktelip beıindik joǵary oqý oryndarynyń stýdentteri atanady. Jas mamandar «QazTransOıl» AQ-tyń qurylymdyq bólimsheleriniń óndiristik obektilerinde ón­di­ristik tájirıbeden ótý­ge uıǵa­rylǵan. Beıindik maman­dyq­tardyń stýdentterine ón­di­­ristik tájirıbeden ótý kezinde tań­daǵan beıini boıynsha jumys orny usynylyp, ekinshi razrıadty jumysshy mólsherlemesi boıynsha jalaqy taǵaıyndalady, sondaı-aq, táýliktik shyǵyndary tólenedi. Turǵylyqty jerinen tájirıbe ótý ornyna deıin jolaqysy da kompanııa esebinen óteledi. Árbir stýdentke kompanııanyń tájirıbeli jumyskerlerinen jeke tálim­ger bekitiledi. Bizdiń esigimiz árdaıym beıindik stýdentterge ǵana emes, sondaı-aq, basqa mamandyq ıele­rine de ashyq. Jyl saıyn kompanııa tájirıbeden ótý úshin bolashaq maman­dyq ıelerin oqytýǵa beıindik kol­ledjder men joǵary oqý oryndaryna jiberip otyrady. Tek 2015 jyl­dyń ózinde ǵana bizdiń óndiristik obektilerde 300-den astam stýdent tájirıbeden ótti. Atalǵan obek­tiler Qazaqstannyń 11 oblysynda ornalasqan. Mine, osydan-aq bizdiń daıarlyq ortalyqtarymyzdyń aýqymy qanshalyqty keńdigin bilýge bolady. – Joldaýda aıtylǵan daǵ­darysqa qarsy basty strategııa – áreket etýdiń mynadaı úsh baǵytyn – ósim, re­for­malar jáne damytýdy aıqyn­­daıdy. Ekonomıkalyq ósimdi qam­tamasyz etý jáne daǵdarystyń osyndaı qıyn-qystaý ýaqytynda odan ári damýǵa «QazTransOıl» AQ-tyń qosatyn úlesi qandaı? – Qorytyndysynda mynany atap aıtqym kelip otyr, «QazTransOıl» AQ qazirgi kezde barlyq qajetti ınfraqurylymǵa ıe, kómirsýteginiń álemdik naryǵyna Qazaqstan munaıyn senimdi jáne irkilissiz jetkizýdi júzege asyrý úshin tájirıbesi de, áleýe­ti de jetkilikti. Kompanııa ózi­­niń búkil qyzmeti kezeńinde mu­naıdy tasymal­daý naryǵynda ustanymyn aıtarlyqtaı kúsheı­tip, qoldanystaǵy magıstraldy mu­naı qubyrlaryn jańǵyrtýdy já­ne jetildirýdi júr­gizdi, mu­naı qubyr­larynyń ótkizý qabilettiligin keńeıtý boıynsha jobalardy, sondaı-aq munaı tasymaldaý júıelerin ıntegrasııalaýdy jáne munaı tasymaldaý baǵyttaryn ártaraptandyrýdy júzege asyrdy. Sonymen birge, bizdiń eń mańyzdy mindetimiz elimizdiń energetıkalyq qaýipsizdigin qamtamasyz etý sheńberinde Qazaq­stannyń munaı óńdeý zaýyttaryna munaı tasymaldaý úshin ishki munaı qubyrlary jelisin damy­tý bolyp tabylady. Bul baǵytta «QazTransOıl» AQ aǵymdaǵy aktıvterdi ustaýǵa ınvestısııa­lardy júzege asyrady, munaı qubyrlarynyń jelilik bóliginiń senimdiligin qamtamasyz etip, sorǵy stansalarynyń tıimdiligin joǵarylatady. Qazir «QazTransOıl» AQ Qashaǵanda jáne Qazaqstannyń basqa ken oryndarynda munaı óndirý bastalǵan kezde ónim kólemin tıisti arttyrýǵa jáne jetkizý kórsetkishin ulǵaıtýǵa, sondaı-aq tasymaldaýdy irkilissiz júrgizýge magıstraldy munaı qubyrlary júıesin senimdi jaǵdaıda kútip-ustaýǵa jumystardy odan ári júrgize bermek. О́ndiristik baǵdar­lamany atqarýmen qatar biz kompanııanyń shyǵyndaryn ońtaılandyrý jáne transformasııalaý boıynsha jumystardy da jalǵastyra beremiz. «QazTransOıl» AQ shyǵyndardy bas­qarý baǵdarlamasyn júzege asyrý úshin tıimdi baqylaý men monıtorıngti de qoldaı bermek. Osy atalǵan sharalar nátıjesinde, «QazTransOıl» AQ aldaǵy kezde de qazaqstandyq jer qoınaýyn paıdalanýshylardyń munaı-kólik qýattylyǵyna bar­lyq qabilettiligin der kezinde qam­ta­ma­syz etýge árdaıym daıyn turady. – Bárekeldi! Isterińizge sát­ti­lik tileımiz. Áńgimeńizge rahmet.  Áńgimelesken Marat AQQUL, «Egemen Qazaqstan».