О́zińdi óziń tany

Qazaq memlekettik qyzdar pedagogıkalyq ýnıversıtetinde «О́zin ózi taný» páni boıynsha IV respýblıkalyq pándik olımpıada ótti. О́tken jyly Astana qalasynda ótken olımpıadanyń bas júldegeri atanǵan Qyzdar ýnıversıteti bıylǵy saıysty ótkizý mártebesine ıe bolyp, óz dos­taryn kıeli shańyraqta qarsy aldy. Bilim jáne ǵylym mınıstrligi, Qazaq memlekettik qyzdar pedagogıkalyq ýnıversıteti jáne «Bóbek» Ulttyq ǵylymı-tájirıbelik, bilim berý jáne saýyqtyrý ortalyǵynyń uıymdastyrýymen ótken bilim saıysyna elimizdegi joo-lardyń áleýmettik pedagogıka jáne ózin ózi taný mamandyǵy boıynsha oqyp jatqan 3-shi kýrs stýdentterinen 9 komanda qatysty. Osymen tórtinshi ret ótki­zilip otyrǵan respýb­lıkalyq olımpıadanyń jastardyń jaqsy men jamandy ajyrata bilý qabiletterin damytýda elimizdiń birinshi hanymy S.A.Nazarbaevanyń avtorlyq «О́zin ózi taný» rýhanı adamgershilik bilim berý baǵdarlamasynyń orny erekshe ekendigin atap ótken Qyzdar ýnıversıtetiniń birinshi prorektory Bahodır Álıev qatysýshylarǵa sát­tilik tiledi. Olımpıadaǵa qatysý­shylar «Júrekten júrekke» tanystyrý saıysy, «Oqy, oqy jáne oqy!» teorııalyq jáne praktıkalyq bilimder, suraq-jaýap baıqaýy, «Biz álemdi jaqsartamyz» degen taqyrypta áleýmettik-pedagogıkalyq joba qorǵaý saıysy, «Jalpyadamzattyq qundylyqtardy túrli kórkem shyǵarmalarǵa ıntegrasııalaý» sahnalyq qoıylymdar baıqaýy, «Ustaz, siz qur­met­ti atqa laıyqsyz!» esse ja­zý úı tapsyrmasy syndy bes kezeńnen turatyn saıys­ta baq synasyp, úlken daıyndyqpen kelgenderin kórsetti. «Dástúrli túrde ót­ki­zi­lip kele jatqan olımpıa­da – «О́zin ózi taný» páni boıyn­sha bilim alyp kele jatqan stýdentterge jaq­sylyq, meıirimdilik, ty­nyshtyq, raqymshylyq degen qasıetterdi tereńirek túsinýge, izdenýge, jańa shy­­ǵar­mashylyq oılar týdyrýǵa, ózimizdiń ta­rı­hı qalyptasqan iz­gi­lik baǵytyndaǵy oı­lar­ǵa tereńirek úńilip qa­­raý­ǵa, óziniń ómirimen sabaq­tastyrýǵa jáne keıingi ur­paqqa jetkizýde kóp múm­­­kindik beretin is-shara. Ekin­­­shiden, bul olımpıada arqyly bolashaq ustazdar teorııalyq bilimderin praktıkamen ushtastyryp, ká­sibı biliktilikterin jo­ǵa­rylatady. Bizdi qaty­sý­­­shylardyń óte jo­ǵary daı­yn­­dyqpen kel­genderi qýant­­ty», – de­di ýnı­ver­sı­tettiń peda­gogıka jáne psı­hologııa fa­kýl­tetiniń de­kany, qazylar alqasynyń mú­shesi Saıra Jıenbaeva. Baıqaý qorytyndysynda I oryndy Q.Jubanov atyn­­daǵy Aqtóbe óńirlik mem­lekettik ýnıversıtetiniń «Izgilik shýaǵy», II oryndy Abaı atyndaǵy QazUPÝ-diń «Meıirim» jáne Taraz memlekettik pedagogıkalyq ınstıtýtynyń «Aına­laı­yn», III oryn­dy Qa­zaq-orys halyq­ara­lyq ýnı­ver­sı­teti, Sh.Ýá­lı­hanov atyn­da­ǵy Kók­shetaý mem­lekettik ýnı­­ver­sıteti men Pav­lodar memlekettik pe­dagogıkalyq ıns­­tı­tý­tynyń toptary ózara bó­listi. Je­ńimpazdar dıplomdarmen jáne arnaıy syı­lyq­tarmen marapattaldy. Toptardy daıyndaǵan jetek­shilerge de alǵys hattar men syılyqtar tabystaldy. Gúlzeınep SÁDIRQYZY, «Egemen Qazaqstan» ALMATY