ASTANA. 20 sáýir. Úndistanda sońǵy eki apta ishinde aýa raıynyń qolaısyzdyǵynan 200 adam kóz jumdy. Bul týraly TASS aqparat agenttigine silteme jasaǵan egemen.kz tilshisi habarlady.
Aýa raıynyń kúrt ysýynan ásirese, Odıshı, Telengana jáne Andhra-Pradesha shtattarynyń turǵyndary zardap shekti. Qaıtys bolǵandardyń basym bóligi Telengana aımaǵynyń halqy. Bul jaqta 100-den astam adam kóz jumǵan.
Atalǵan shtattarda buryn-sońdy bolmaǵan temperatýra tirkeldi. Málimetter boıynsha Selsıı baǵamy boıynsha 46 gradýsqa deıin barǵan. Bul ortasha aýa temperatýrasynan 5-6 gradýsqa ystyq.
Ǵalymdardyń boljamy boıynsha eldiń ońtústiginde bıyl taǵy da kún erekshe ystyq bolady. О́tken jyly osyǵan baılanysty 2 myńnan astam adam qaıtys bolǵan. Osynyń aldyn alý úshin bılik birneshe aımaqta tótensha jaǵdaı rejimin qabyldady. Sondaı-aq, turǵyndarǵa kúndiz saǵat 11:00-13:00 arasynda syrtqa shyqpaýǵa keńes berdi.
Aıan Ábdýálı.
Derek: TASS.
Foto: bbc.com.