TARAZ. 20 sáýir. О́ńirlik kommýnıkasııalar qyzmetinde Jambyl oblysy boıynsha Sottar ákimshisiniń basshysy Ábdijámı Quldúısenov brıfıng ótkizip, «100 naqty qadam» Ult josparyn iske asyrýǵa arnalǵan jumystar barysyn tarqatyp aıtyp berdi. Bul týraly egemen.kz i habarlady.
«Statıstıka málimetterine júginetin bolsaq, 2015 jyldyń birinshi toqsanynda 10457 sot isteri qaralyp, onyń tek 2804-i, ıaǵnı, 27,1 paıyzy, al, aǵymdaǵy jyldyń birinshi toqsanynda qaralǵan 6642 istiń 4988-i, ıaǵnı 75,0 paıyzy tatýlasý arqyly sheshilgen», dedi ol.
Sondaı-aq, Taraz qalalyq №2 soty men Qylmystyq atqarý júıesiniń JD-158/1 jáne JD 158/7 mekeleri arasynda, onlaın ádisin qoldanyp sot májilisterdi ótkizýge arnalǵan qurylǵylar ornatyldy. Statıstıkaǵa júginetin bolsaq, onlaın rejıminde 2015 jyly 44 materıal, 2016 jyldyń I toqsanynda 48 materıal qaraldy.
Ábdijámı Quldúısenov aıtýynsha, sot kabıneti engizilgeninen bastap, onyń yńǵaılylyǵyna baılanysty, qoǵam tarapynan paıdalanýshylardyń sany kóbeıýde. Jetistiktermen shektele qoımaı, oblystyń jáne aýdandyq Halyqqa qyzmet kórsetý ortalyqtarda «Sot kabıneti» buryshy ashyldy. Bul jaǵdaıda tulǵa sot keńsesiniń mamandarymen qatynaspaı, ózine qajetti is-áreketterdi jasaıdy. Atalǵan jaıt sybaılas jemqorlyqqa baǵyttalǵan is-áreketterdiń týyndaýyna kedergi bolatyny anyq. Bolashaqta, sottarmen talap-aryzdardy qabyldaý men taǵy basqa da qujat aınalymdar elektrondyq túrde ótkizilýi 100 paıyzǵa deıin kóterý josparlanýda.
2015 jyldyń 1-shi toqsanynda 2731 9 (48,6 paıyz) talap-aryz tússe, 2016 jyly barlyǵy 2670-i (79,4 paıyz) kelip túsken.
Oralhan Dáýit.
Derek, foto: egemen.kz