ASTANA. 21 sáýir. Álemge tanymal Mitsubishi Motors avtokonserniniń júzdegen myń kólikterinen aqaý shyqty. Bul týraly TASS aqparat agenttigine silteme jasaǵan egemen.kz tilshisi habarlady.
Kompanııanyń kólikterin synaqtan ótkizý barysynda janarmaı shyǵynyn kórsetýde aqaýlardyń bar ekendigi anyqtaldy. Osynyń saldarynan Mitsubishi Motors jáne Nissan brendterimen shyqqan 625 myńǵa jýyq kólik jaramsyz bolyp, satylymnan alynyp tastalýy múmkin. Al búgin qor bırjasyndaǵy Mitsubishi aksııalary 15 paıyzǵa quldyrady.
Avtokonsern basshylyǵy keleńsizdikterge baılanysty tutynýshylarynan keshirim surady.
Aıta keteıik, osydan eki jyl buryn Hyundai jáne Kia Motors ta osyndaı jaǵdaıǵa tap bolǵan. Sondaı-aq, ótken jyly Volkswagen avtokonserni zańsyz túrde qorshaǵan ortaǵa taraıtyn qaldyqtardy azaıtyp kórsetetin qurylǵy ornatqan. Osyǵan baılanysty Eýropanyń jáne Azııanyń birqatar elderi iri kólemde aıyppul saldy.
Aıan Ábdýálı.
Derek, foto: TASS.