Parlament Senatynyń Tóraǵasy Qasym-Jomart Toqaev Qazaqstan Respýblıkasyndaǵy Orys pravoslavıe shirkeýi Mıtropolıt okrýginiń basshysy, Astana jáne Qazaqstan Mıtropolıti Aleksandrdy qabyldady, dep habarlady Senattyń baspasóz qyzmeti.
Senat Tóraǵasy Prezıdent N.Nazarbaevtyń «Álem. XXI ǵasyr» manıfesiniń negizgi máselelerine júzdesýshiniń nazaryn aýdardy. Q.Toqaevtyń pikirinshe, bul qujattyń erekshe máni bar, óıtkeni saıasatkerler men álem jurtshylyǵyn kúlli adamzatqa jahandyq turǵyda ajal ákeletin qaqtyǵystar qaýpinen aryltý úshin kezek kúttirmes jáne tıimdi sharalar qabyldaýǵa shaqyrady.
Q.Toqaev 31 mamyrdaǵy «Dinder terrorızmge qarsy» halyqaralyq konferensııasy, sondaı-aq 1 maýsymdaǵy Álemdik jáne dástúrli dinder lıderleri sezi Hatshylyǵynyń XV otyrysy týraly da habardar etti.
Mıtropolıt Senat Tóraǵasyna Orys pravoslavıe shirkeýiniń dinı-aǵartý sharalary týraly áńgimeledi.