Jylda qaıtalanatyn jol «jyry» júrginshiler men júrgizýshilerdiń júıkesin juqartýmen keledi.
Qar erip, kógildir kóktem kelip arqa-basymyz keńigende oıly-shuqyr jol máselesi aldan shyǵady. Myńdaǵan júrgizýshiler salyǵymyzdy tólep jatyrmyz, quqyǵymyzdy kim qorǵaıdy dep nalıdy. О́ıtkeni, tirnektep jıyp teńgege alǵan bylaıǵy jurt mashınalary temir bolǵanmen, jyrym-jyrym jolǵa tótep bermeı, tetigi ketip, tereń kúrsinip turǵany. Al jolǵa jaýap beretinder jamap-jasqap álek. Qazaq mundaıda eskini jamaǵannyń esi ketedi dep jatýshy edi.
Jol máselesi sóz bolǵanda ár jyl saıyn bólingen mıllıondar men mıllıardtar aıtylady. Bar kiná «jeksuryn» qystyń aıazy men kóktemniń jylymyǵyna telinedi. Sheneýnikter bıyl da jyldaǵy ýájdi alǵa tartyp, qyrýar aqsha bólingeni, qansha shaqyrym jol jóndeletini týraly aıtyp jatyr. Másele aýa raıynda ma, álde qarjynyń tıimdi jumsalmaýynda ma? Iá, jol jyry ártúrli syltaýlarǵa sep bolyp, qashanǵy jalǵasa berer eken? Álde, aq-qarasy túbegeıli tekserilip, sebep-saldary bıyl anyqtalyp, aldaǵy jyly «jyrtyńdaǵan» jyrǵa tosqaýyl qoıylar ma?
Súleımen MÁMET,
«Egemen Qazaqstan»