Elbasy manıfesi: BEIBIT О́MIRGE ÚNDEÝ

Kemeńgerler ustanatyn jol

Nursultan Nazarbaevtyń soǵys problemasy týraly manıfesi búkil adamzat úshin úlgi bolyp tabylady. Qazaqstannyń Tuńǵysh Prezıdenti baısaldy, batyl jáne obektıvti túrde qazirgi zamanǵy problemalar mánin túsindirip berdi. Nursultan Nazarbaev qazirgi ýaqytta órkenıetti damý úshin sheksiz múmkindikterdiń bar ekenin jáne sonymen birge, ozyq tehnologııalardyń damýyna baılanysty qaterler men táýekelderdiń de ulǵaıyp otyrǵanyn atap kórsetti. Adamzat úshin eń úlken qater – soǵys problemasy. Prezıdent qazirgi zamanǵy ahýalǵa sıpattama berdi jáne aldaǵy bes qadamdy aıqyndady. Birinshi qadam dál qazirgi kezde asa mańyzdy bolyp tabylady, ol – jappaı qyryp-joıatyn qarýlardy qysqartý. Nursultan Nazarbaev manıfeste ıadrolyq qarýdy taratpaý jónindegi sharttyń qazirgi ýaqytta óz maqsatyn oryndamaı otyrǵanyna nazar aýdardy. Iаdrolyq qarýdy taratpaý jónindegi shart (IаQTSh) bar bolǵany ıadrolyq qarý problemasyn sheshýdegi ishinara jáne jetilmegen shara bolyp tabylady. 1945 jyly ıadrolyq qarý oılap tabylǵannan keıin búkil kemeńger kóshbasshylardyń maqsaty jappaı qyryp-joıatyn qarýdy tolyq jáne túbegeıli joıý boldy. Amerıkalyq prezıdent Dýaıt Devıd Eızenhaýerdiń «Atom beıbitshilik úshin» tujyrymdamasynyń negizgi ıdeıasy bir mezgilde ıadrolyq qarýdy taratýdy tejeı otyryp, búkil elderge ıadrolyq ǵylymdy damytý nátıjelerin usynýǵa kelip tireldi. 1950 jyldyń jeltoqsanynda BUU-da óz josparyn jarııalaı otyryp, Eızenhaýer ıadrolyq ǵylymdy ǵylymı jáne qarý-jaraqtyq turǵyda paıdalaný arasyna naqty shekteý qoı­dy. Ol ıadrolyq qarýlarǵa tabandylyqpen baqylaý jasaı otyryp, sonymen birge, ǵylymı zertteýlerdi ilgeriletýge jáne saýdany damytýǵa múddeli boldy. Eızenhaýer BUU baqylaý jóninen halyqaralyq agenttik quryp, ol tıisti jaǵdaılarda, ýaqyty kelgende ydyraǵysh materıaldardy retteý jóninen ókilettikke ıe bolady dep oılady jáne kóp uzamaı, 1957 jyly osyndaı agenttik – MAGATE quryldy. Iаdrolyq qarýdy atmosferada, ǵarysh keńistiginde jáne sý astynda synaýǵa tyıym salý týraly shartqa 1963 jyldyń tamyzynda qol qoıyldy. Iаdrolyq qarýdy taratpaý jónindegi shart 1970 jyldyń naýryzynda kúshine endi. «Uly ıadrolyq derjavalarǵa» ıadrolyq qarýdy taratýdy toq­tatýdyń ǵana sáti túsip, ıadrolyq qarýdy joıýda tabysqa jetýdiń oraıy kelmegendikten, bylaıǵy elder «ıadrosyz aımaqtar» týraly kelisimsharttar qalyp­tastyryp, jasaı bastady. Ol sharttar ıadrolyq jarylys qurylǵylary men tehnologııalaryn alýǵa, ázirleýge, óndirýge, ıe bolýǵa, qorlandyrýǵa jáne ony keńinen qoldanýǵa ty­ıym salý aımaqtaryn qurady. Bul aımaqtardyń tek jer tóńiregindegi keńistik pen áýe qatynastaryna ǵana zańdyq yqpal etý kúshi bar, ol «ashyq teńiz» doktrınasyna jatatyn teńiz qatynastaryna yqpal ete almaıdy. Ol aımaqtardyń qatarynda Afrıka (Pelındaba sharty), Latyn Amerıkasy men Karıb basseıni memleketteri (Tlatelolko sharty), Tynyq muhıtynyń ońtústik bóligi (Rarotongo sharty), Ońtústik-Shy­ǵys Azııa (Bangkok sharty), Antarktıda (Antarktıda sharty) jáne Ortalyq Azııa ıadrosyz aımaǵy (OAIаA) bar. Jer sharynyń búkil ońtústik bóligi osyndaı ıadrosyz aımaqtarmen jabylǵan. Qazaqstan aýmaǵynda MAGATE-niń qoldaýymen Tómen baıytylǵan ıadrolyq otyn banki quryldy, ol atom energetıkasyn damytýdy qarastyrady. Munyń ózi elder arasynda senim ornatýda mańyzdy qadam bolyp tabylady. Qazaqstan óziniń ıadrolyq qarýdan ada, beıbitshilikke adal ustanymyn búkil álemge pash ete otyryp, ózin ıadrolyq ǵylymnyń artyqshylyǵyn ilgeriletýdegi alǵashqy álemdik kóshbasshylar retinde kórsete bildi. Búkil elder, úlkeni de, kishisi de, jasy da, kárisi de, baıy da, kedeıi de Qazaqstannan úlgi alýy tıis. Gregorı GLISON, professor-emerıtýs, Nıý-Meksıko ýnıversıteti (AQSh)

Kelissózder ǵana kemel bolashaqqa bastaıdy

Prezıdent Nursultan Nazarbaev usynǵan «Álem. HHI ǵasyr» manıfesi búkil álemde keń aýqymdy qyzyǵýshylyq týǵyz­dy, ol týraly bizdiń Ka­nadada da biledi. Onda elder ara­syndaǵy senim tapshylyǵy artýynyń kókeıkesti problemalary kóte­rilgen. Al ol qaýipsizdiktiń ja­handyq máseleleri boıynsha bá­týaǵa kelýde, soǵystar men daý-janjaldardyń aldyn alý jóninen ulttardyń kelisilgen is-qı­myldar qabyldaýynda óziniń teris yqpalyn tıgizedi. Adamzat tarıhynda bol­ǵan son­shalyq aýyr qaı­­­ǵy-qasiretterden keıin ha­lyqaralyq qaýymdastyq jańa qatelikke degen óz quqyǵyn ta­ýys­qan, óıtkeni onyń «ba­ǵasy» HH ǵasyrda orasan zor shyǵyndarmen – ondaǵan mıllıon adamdardyń ómirimen ótelgen bolatyn. Árbir jańa soǵys barǵan saıyn anaǵurlym tehnologııalyq, ajal sepkish jáne qıratqysh sıpatqa ıe bola túsýde. Tipti, san myńdaǵan qurbandyqtarǵa soqtyrǵan Ekinshi dúnıejúzilik soǵys zardaptarynyń ózi de óz aýqymy jaǵynan ıadrolyq derjavalar tartylatyn jahandyq jańa essizdikpen teńese almaıdy. HHI ǵasyrdaǵy soǵys bizdiń planetamyzdaǵy eń sońǵy soǵys bolyp, adamzatty túr retinde jo­ıyp jiberýi múmkin. Oqıǵalardyń mundaı damýyna jol berýge bolmaıdy. Manıfest qazirgi zamanǵy álem qaýipsizdigine tónip turǵan qaterdiń óse túsip otyrǵanyn kórsetedi. Men onda keltirilgen alańdaýshylyqty, jahandyq qaýipsizdikti nyǵaıtý, ıadrolyq qarýsyzdaný máseleleri bo­ıynsha yntymaqtastyq, ystyq núktelerde beıbitshilik ornatý jáne basqa da syn-qaterlerge qa­tysty únqatýlarǵa shaqyrýdy tolyq qoldaımyn. Beıbitshilik máseleleri boıynsha progreske tek kelissózder ústeli arqyly ǵana qol jetkizý qajet. Mine, osy jaǵynan kelgende de Qazaqstan Prezıdentiniń mámilegerlik bastamalary halyq­aralyq qoǵamdastyq tarapynan keń qoldaý tabýǵa laıyq. Irına HVAN, Imaging Dynamics Co Ltd kompanııasynyń eńbek resýrstary boıynsha menedjeri  (HR manager-Kanada)

Qoldaýǵa laıyq bastama

Qazirgi ýaqytta men Germanııa azamaty bolyp tabylsam da, osy Jaqsy aýdanynyń keń dalasynda týyp-óstim, mektep pen ınstıtýt bitirdim, adam retinde qalyptastym, sondyqtan Qazaqstanǵa qatysty degenderdiń bárin ózime jaqyn sanaımyn. Bul jerdeginiń bári maǵan týǵandaı kórinedi. Qazaqstan Prezıdenti Nursultan Nazarbaev Vashıngtonda jarııa etken «Álem. HHI ǵasyr» manıfesimen men úlken qyzyǵýshylyqpen tanysyp shyqtym. Bizdiń planetamyzdyń barlyq turǵyndaryna zardaby tııýi múmkin eń bir qaterli apatqa jol bermeýge baǵyttalǵan bastamalardy búkil júregimmen jáne jan dúnıemmen qoldaımyn. Al oǵan búginde ıadrolyq apat  qaýpiniń tónip turǵany shyndyq. Oǵan kez kelgen áskerı daý-janjaldyń, memleketter múddeleri qaqtyǵysynyń nemese etnosaralyq jáne dinaralyq negizdegi qandaı da bir shıelenisterdiń aparyp soǵýy ábden múmkin. Olardyń báriniń adamzat júzjyldyq boıyna jınaqtaǵan orasan zor ıadrolyq, bakterıologııalyq nemese hımııalyq arsenaldy qoldana otyryp, úreıli soǵysqa ulasyp ketý qaýpi zor. Oǵan jol bermeý úshin Prezıdent ótken júzjyldyqtyń 60-shy jyldarynda búkil álem qaýipti shekke baryp tirelgen tarıhty eske túsirýdi usynady. Búginde ıadrolyq kúshter arsenaly men ony qajetti jerine jetkizý quraldary burynǵyǵa qaraǵanda ál­deqaıda jetilgen. Olaı bolsa, onyń yqtımal degen zar­daptarynyń da kút­­pegen jerden bolýy ábden múmkin. Soǵan baılanysty Qazaqstan basshysy óz manıfesinde bolashaqtaǵy ıadrolyq soǵysta jeńimpazdyń da, jeńilgenderdiń de bolmaıtynyn barynsha shynaıy túrde atap kórsetedi. Qazaqstan Prezıdenti tańǵalarlyq derekter keltiredi. HHI ǵasyrǵa búkil adamzat jahandyq yntymaqtastyqtyń jańa dáýiri retinde senim artty. Biraq onyń búginde eleske uqsas saǵym bolyp shyǵýy da ǵajap emes. Álemge taǵy da qater tónip tur jáne onyń aýqymyn baǵalamaý qatelik bolar edi. Ol – jahandyq soǵys qateri. Jer betindegi órkenıet, ǵalymdardyń sanaýynsha, 15 myńnan astam soǵysty bastan ótkergen. Bul degenińiz, bir jylǵa úsh soǵystan keledi degen sóz. Olarda júzdegen mıllıon adamdar qaza tapty, qalalar men elder jer betinen joıylyp ketti, mádenıetter men órkenıetterge orny tolmas nuqsan keltirildi. Búginde álemde qu­ramyna kóptegen memleketter kiretin áskerı bloktarǵa qarsy birlesken is-qımyl kórsete otyryp beıbitshilikti nyǵaıtý isi­ne ózderiniń orasan zor úlesterin qosa alatyn túrli halyqaralyq uıymdar bar. Nursultan Nazarbaev Jer sharynyń túrli túkpirlerinde qurylǵan ıadrolyq qarýsyz aımaqtardy oǵan mysal retinde keltiredi. Dál osyndaı kúshterge arqa súıeı otyryp, qandaı da bir jappaı qyryp-joıatyn qarýdy paıdalaný múmkin bolmaý úshin ortaq til tabysý jolynda qoldan kelgenniń bárin de jasaý qajet. Ol úshin oqdári salynǵan bóshke janynda tutatylǵan sirińkedeı ról atqarýy múmkin yqtımal degen qarýly qaqtyǵystar men daý-janjaldardyń aldyn alý asa mańyzdy. Iýrıı BER, «TNK» agrofırmasy bas dırektorynyń orynbasary (Germanııa) Aqmola oblysy, Jaqsy aýdany

Adal yntymaqtastyqqa negiz

Qazaqstan Prezıdenti Nursultan Nazarbaevtyń «Álem. HHI ǵasyr» ma­nıfesi halyqaralyq qa­tynastardy turaq­tan­dyrýǵa baǵyttalǵan ma­ńyzdy ári jahandyq bastamalardan turady jáne halyqaralyq saýdada ádil yntymaqtastyq bolýy úshin negiz usynady. Onyń syrtynda atalǵan úndeýde áskerı daý-janjaldardyń paıda bolýynyń bastapqy sebepterine strategııalyq taldaýlar jasalyp, olardy beıbit retteý jáne ıadrolyq qarýdan ada álem qurý boıynsha naqty qadamdar usynylady. Nursultan Nazarbaevtyń osynaý qaǵıdattarǵa degen adaldyǵy joǵary dárejeli senimge ıe, óıtkeni, Prezıdent Semeı ıadrolyq polıgonyn jabý týraly taǵdyrsheshti sheshim qabyldap, ıadrolyq qarýdyń asa iri arsenalynan erikti túrde bas tartty. Al onyń ózi Qazaqstannyń óńirde qýatty jáne qurmetti memleket retinde qalyptasýyna jaǵdaı jasady. Men Prezıdent Nursultan Nazarbaevtyń manıfes­te aıtylǵan Jahandyq strategııalyq bastama-2045 Josparynyń búkil álem qoǵamdastyǵy tarapynan qoldaý tabýy tıis mańyzdy «jol kartasy» bolyp tabylatynyna senimdimin. О́ıtkeni, ol soǵys pen terrorızmge qarsy turýda birden-bir shynaıy qural bolyp tabylady. Haled ABOÝ ZAHR, Eurabia Media medııalyq kompanııasynyń bas dırektory, Amwal («Qarjylar»)arab­aralyq jýrnalynyń bas redaktory

Bul – qaýipsiz ómirge nusqalǵan jol

Vashıngtonnyń Kolýmbııa okrýginde Iаdrolyq qaýipsizdik jóninde 2016 jyldyń 31 naýryzynda ótken sammıt kezinde Qazaqstan Respýblıkasynyń Prezıdenti Nursultan Nazarbaev sóz sóıledi. Bizder, álem ha­lyqtary qazirgi kezeńde kóp kezdesetin qaýip-qaterler men dúnıejúzinde bolyp jatqan túrli jaǵymsyz oqıǵalar týraly kóp estıtin boldyq. Meniń ózim amerıkalyq retinde Qazaqstan Prezıdentiniń túrli baǵyttardaǵy bastamalaryna, onyń ishinde jahandyq qaýip­sizdik salasyndaǵy bastamalaryna ylǵı da qýana qol soǵamyn. Álem elderiniń ár basshysy Nursultan Nazarbaev sııaqty kózqaras ustansa, búginde jahanda beıbit ómir qalyptasar edi. Al búginde «qyrǵı-qabaq soǵys» saıasatyn ustanatyndardyń saldarynan dúnıejúzi ustaranyń júzinde turǵandaı kúı keshesiń. Sondaı-aq, onyń ústine, ıadrolyq qarýdy terrorıstik uıymdardyń meńgerýi, terrorısterdi ózderine tartý ýaqyt óte kele kóbeıe tú­setin syńaıly. Prezıdent Nursultan Nazarbaev­tyń Vashıngtonda ja­rııa­laǵan manıfesi álemdi saqtap qalýdyń eń qajetti qadamdaryn nusqaýymen qundy. О́ziniń «Álem. HHI ǵasyr» baǵdarlamalyq qujatynda beıbit qatar ómir súrý úlgisi retinde soǵysty yǵystyryp shyǵarý jaıly másele qozǵalady. Sonymen qatar, «jańa álemdik ortada qarýsyzdanýdyń halyqaralyq saıasatyn qalyptastyrý qajettigi atap kórsetiledi. Eger álem elderi ujymdasyp, osy maqsatqa jetý úshin birlese jumys istese, onda biz ben biz­diń urpaqtarymyz qaýipsiz ómir súretin jahandyq orta qa­lyptasatynyna esh kúmán joq.  Djeıms Entonı ZOKA, Taldyqorǵan qalasyndaǵy Nazarbaev zııatkerlik mektebi hımııa pániniń muǵalimi (AQSh) Almaty oblysy

Tóngen qaýipke ýaqtyly jaýap

О́ziniń «Álem. HHI ǵasyr» manıfesinde el Prezıdenti – El­basy Nursultan Nazarbaev qazirgi adamzat órke­nıetiniń barlyq problemalyq máselelerin jaıyp salady. Osy oraıda, Memleket basshysy bar­lyq saıası jáne ekonomıkalyq máselelerdi tek beıbit únqatysý jolymen sheshý qajettigin atap kórsetti. Memleket basshysynyń álem­dik qoǵamdastyqqa jańa bastamamen shyǵýy búginde jahan aldynda turǵan adamzat órkenıetine tóngen qaýipke ýaqtyly jaýap. Prezıdent problemalardy ózara túsinistik pen ashyq únqatysýǵa negizdelgen baǵytta retteý isin jaqtaıtynyn taǵy bir márte kórsetip berdi. Memleket basshysy Qazaqstan­nyń baǵdarlamalyq qujatta maz­mundalǵan barlyq beıbit bas­tamalaryn júzege asyrý úshin álemdik kóshbasshylardyń saıa­sı erik-jigeri men barlyq izgi nıetti adamdardyń judyryqtaı ju­mylýy qajet ekenin atap kór­setti. Búkil adamzat úshin taǵdyr­sheshti osy baǵdarlamalyq qujat asa joǵary deńgeıde laıyq­ty baǵalanyp otyr jáne BUU Bas Assambleıasy men Qaýipsizdik Keńesiniń shyn máninde resmı qujaty retinde moıyndaldy.  «Nur Otan» partııasynyń «Jas Otan» jastar qanaty

Beıbitshiliktiń baıandy bolýyna úndeıdi

Qazaqstan Prezıdenti Nursultan Nazarbaev­tyń «Álem. HHI ǵasyr» manıfesi – bul saıa­sı jaǵynan salmaqtalǵan baǵdarlamalyq qujat jáne halyqaralyq qoǵamdastyqtaǵy qarama-qaıshylyqtardy eńserý men búkil adamzattyń tirshiligine qaterdiń aldyn alý boıynsha naqty is-qımyl baǵdarlamasy. Memleket basshysy BUU-ǵa múshe barlyq elder kóshbasshylary úshin halyqaralyq quqyq negizinde sheshý qajet bolyp tabylatyn mańyzdy problemalardy belgilep berdi. Beıbit únqatysý men óz­ara tıimdi yntymaqtastyq ha­lyqaralyq qatynastardaǵy negizgi baǵdarlar bolýy tıis. Nursultan Ábishuly atap ót­kendeı, álemdik derjavalardyń qazirgi kezdegi ıadrolyq áleýeti men saıası sanksııalary jáne birqatar elderdi oqshaýlaý, halyqaralyq terrorızm men ádiletsiz jahandyq básekelestik – mine, osynyń bári búkil álemdegi turaqsyzdyq pen áskerı qaýip-qaterdiń basty faktorlary. Bizdiń elimizdiń Prezıdenti barshany HHI ǵasyrda beıbitshilik úshin kúresýge shaqyrdy. Biz ózimizdiń urpaqtarymyzdyń aldynda beıbitshilik pen qaýipsiz­dikti saqtaý úshin jaýaptymyz.  «Qazaqstan-2050» jalpyulttyq qozǵalysy

Adamzat úshin mańyzy zor bastama

Qazaqstan Respýblıkasy­nyń Prezıdenti Nursultan  Nazarbaevtyń «Álem. HHI ǵasyr» manıfesi – bul búkil adamzat úshin tarıhı turǵydan mańyzdy da taǵdyrsheshti baǵdarlamalyq qujat. Memleket basshysy jahandyq damýdyń zamanaýı úrdisterine óziniń kózqarasyn der kezinde kóldeneń tartyp otyr jáne dúnıe­júzinde adamzattyń bola­shaǵy úshin aýqymdy qaýip-qater oryn alyp otyrǵany jasyryn emes. Qazaqstan Prezıdenti ǵylym men tehnologııalarda órkenıet progresi bar ekenin kóldeneń tarta otyryp, soǵys vırýsyn túbirimen joıýdyń, sonymen bir mezgilde, terrorızmniń aldyn alyp qana qoımaı, álem memleketteriniń ádiletti ekonomıkalyq damýynyń jańa qaǵıdattaryn engizý qajet­tigin atap kórsetti. Ekonomıkalyq ózara is-qımyl salasyndaǵy sońǵy oqıǵalarǵa qaraı, halyqaralyq deńgeıdegi janjaldar men terrorızmniń saldaryna alańdaı otyryp, álem joǵary deńgeıde qabyldanatyn naqty sharalar negizindegi beıbit únqatysýlar arqyly ǵana ómir súrýge bolatynyna kózderi jetti. Nursultan  Nazarbaev Iаdrolyq qaýipsizdik jónindegi sammıtte sóılegen sózinde jahan­dyq mindetterdi sheshýde salmaqty qadamdar qabyldaý qajet­tigin jaýapkershilikpen usyndy. Jáne de manıfestiń BUU Bas As­sambleıasy men Qaýipsizdik Keńesiniń resmı qujaty retinde tanylýy Prezıdenttiń jáne, tutastaı alǵanda, Qazaqstannyń halyqaralyq bedelin kezekti márte kóterdi.  Qazaqstan Isker áıelderiniń qaýymdastyǵy

Álem qoldaǵan qujat

Búkil álemdik qoǵamdastyq árkezde de Memleket bas­shysynyń álemdik aý­qymdaǵy kóshbasshy retindegi joǵary bedeli men saıası kemeńgerligin moıyndap keledi. Nursultan Ábishuly usynǵan «Álem. HHI ǵasyr» manıfesinde jańa álemdik tártip paradıgmasy ıadrolyq qarýlanýdy, máselelerdi kúshtik tásilmen sheshýdi jáne ekonomıkalyq máselelerdegi, halyqaralyq saýda damýyndaǵy jáne qarjy resýrstaryna qoljetimdiliktegi teńsizdikterdi teriske shyǵarady. Bizdiń elimizdiń Prezıdenti Qazaqstannyń ornyqty álem aımaǵyn qalyptastyrýdaǵy úlesin atap kórsetti, onyń qataryna Ortalyq-Azııa­lyq ıadrosyz aımaǵy kiredi. Onyń syrtynda Memleket basshysynyń bastamasymen qurlyqtyq deńgeıde or­nyqty álem ornatýǵa degen umtylysty aıǵaqtaıtyn Shanhaı yntymaqtastyq uıymy quryldy, Azııadaǵy ózara is-qımyl jáne senim sharalary jónindegi keńes shaqyryldy. Qurylýyna halyqaralyq quqyqtyq quraldardy qoldana otyryp, BUU-nyń búkil mú­sheleri jaǵdaı jasaýy tıis Beı­bitshilik arealdary óńirler men búkil álemniń beıbit damýy úshin jaǵdaı týǵyzýdy qarastyrady. Halyqaralyq qatynastardy odan ári damytý salasyndaǵy búkil ınnovasııalyq ıdeıalardyń BUU-nyń Bas Assambleıasymen jáne Qaýipsizdik Keńesimen qabyldanýy jáne manıfestiń osynaý mańyzdy uıymnyń resmı qujaty retinde tanylýy óte mańyzdy.  Qurmanǵazy atyndaǵy Qazaq ulttyq Konservatorııasy

Negiz qalaýshy faktor

Biz árbir qazaqstandyqtyń elimizdiń Prezıdenti Nursultan Ábishulynyń «Álem. HHI ǵasyr» manıfesin Birikken Ulttar Uıymynyń resmı qujaty retinde moıyndaýyn maqtanyshpen qabyldaǵanyna senimdimiz. Manıfeste Memleket basshysy qazirgi zamanǵy álemniń halyqaralyq yntymaqtastyqtyń barlyq baǵyttary boıynsha naqty «qaıta júkteýdi» qajet etetinin kórsetip berdi. Ekonomıkalyq jáne saıası sanksııalardyń qazirgi zamandaǵy saıasaty, problemalar men qarama-qaıshylyqtardy kúsh qoldana otyryp sheshý – ol jeńimpazdar bolmaıtyn jaqqa bastaıtyn jol. Elbasy usynǵan qazirgi zamanǵy problemalardy sheshýdiń bes baǵyty, olardyń qatarynda ıadrolyq qarýdan tolyq arylý, «qyrǵı-qabaq soǵys» rýdımenti – áskerı bloktardy eńserý jáne jahandyq básekelestiktiń jańa ádiletti paragdımasyn qurý sııaqty asa mańyzdy mindetter shıelenistiń báseńsýine, beıbitshiliktiń nyǵaıýy men ózara tıimdi yntymaqtastyqqa jaǵdaı jasaıtyn bolady. Qazaqstan  Prezıdentiniń saıası kemeńgerligi men erik-jigeri álemdik qoǵamdastyq kóshbasshy­lary deńgeıinde tanyldy jáne búkil adamzattyń odan ári órkenıetti damýy jolynda negiz qalaýshy faktor bolyp tabylady.  «Jasyl ekonomıka» jáne G-Global-dy damytý koalısııasy

 Tynyshtyqtyń arqaýlyq qundylyqtary

Biz Memleket basshysynyń «Álem. HHI ǵasyr» manıfesin búginde búkilálemdik qoǵam­das­tyqtyń zor serpilispen qabyl­daǵanyn zor maqtanysh sezimimen atap ótemiz. BUU kóshbasshylary da Qa­zaq­stan Prezıdenti Nursultan Nazarbaevtyń beıbit bastamalaryn joǵary baǵalap, manıfesti BUU Bas Assambleıasy men Qa­ýipsizdik Keńesiniń resmı qujaty, naqty isterdiń jospary retinde bekitti. Nursultan Ábishuly manıfes­te adam balasynyń aqyl-oı salasynda aıtarlyqtaı tabystarǵa jetkenin atap óte otyryp, búkil adamzattyń qazirgi zamanǵy damýy­nyń kókeıkesti máselelerin naqty belgilep berdi. Onyń ústine, ol álemdik órkenıettiń bolashaq tabysty damýynyń negiz qalaýshy qaǵıdattaryn aıqyndady. Qarý-jaraqsyz álem, beıbit únqatysý men barlyq saıası oıyn­shylardyń ádiletti ekonomıka­lyq múmkindigi – memleketterdiń pro­gresi men ózara tıimdi ynty­maq­­tastyǵyn qamtamasyz etetin ar­­qaýlyq qundylyqtar, mine, osylar. Búginde bolashaq urpaqtyń beıbit ómiri jolynda belsendi is-sharalar qabyldap, jahandyq qaýip-qaterlerdi toqtatý erekshe mańyzdy. Jer sharynyń ár turǵyny onyń bolashaǵy úshin jaýapkershilikti tereńnen sezinýi tıis.  Jastardyń «Jasyl el» respýblıkalyq eńbek jasaqtarynyń shtaby

Naqty strategııalyq jospar

Memleket basshysy Nursultan Nazarbaevtyń «Álem. HHI ǵasyr» manıfesi – ol búkil adamzattyń progresshil kúshterine beıbitshilik, bizdiń órkenıetimizdiń damýy men órkendeýi jolynda naqty is-qı­myldarǵa kirisýge shaqyrǵan qýatty úndeý. Jahandyq keńistikte ús­temdik qurýǵa degen talpynys keı kezderi qolda bar resýrs­tardy oısyz talan-tarajǵa sa­lýǵa, álemdik qaýipsizdiktiń tó­men­deýine jáne ajal sebetin qarýlardyń taralýy­na aparyp soqtyrady. Álemdik kóshbasshylarǵa progresshil bastamalarymen ún qata otyryp, Memleket basshysy olardy bolashaq urpaq úshin adamzat órkenıetin saqtaýdy naqty istermen jáne sheshimdermen qamtamasyz etýge shaqyrdy. Memleket basshysynyń ma­nıfesi – ol sońǵy jyldary álemde bolyp jatqan mańyzdy oqıǵalar men sheshimderge qa­tysty tek baǵalaý men taldaý ǵana emes, sonymen birge, álem­degi jahandyq qaýipsizdik úshin kúreste búkil ulttardyń kelisilgen kúsh-jigerleriniń naq­tyly strategııalyq jospary eke­nin de atap ótý kerek. Bizdiń qoǵamdyq birlestik Nursultan Ábishuly Nazarbaev usynǵan álem qurylysynyń jańa tujyrymdamasy búkil álemdik keńistikte beıbitshilik pen progreske qol jetkizýde yq­paldy nusqaýlyq bolady degen senim bildiredi.  «Astana-Báıterek» áıelder klýby» qoǵamdyq birlestigi

El bedelin asqaqtata tústi

Qazaqstan Respýblıkasynyń Prezıdenti Nursultan Ábishuly Nazarbaevtyń «Álem. HHI ǵasyr» manıfesi – ol búkil adamzat úshin tarıhı mańyzdy jáne taǵdyr­sheshti qujat. Memleket basshysy bolashaq adamzat úshin aýqymdy qaýip-qaterler oryn alyp otyrǵan jahandyq damýdyń qazirgi tendensııalaryna óz kózqarasyn bildirdi. Ǵylym men tehnologııalar­daǵy órkenıet progresimen qatar, ol soǵys vırýsyn joıý, ter­rorızmniń aldyn alý jáne álem memleketteriniń ádil eko­nomıkalyq damýynyń jańa qaǵıdattaryn engizý qajettigin atap kórsetti. Ekonomıkalyq ózara is-qı­myldar salasyndaǵy sońǵy oqı­­ǵalardy qadaǵalaı otyryp, halyqaralyq deńgeıdegi daý-janjaldar men terrorızm zardaptaryn bastan ótkere otyryp, álem tek únqatysý, joǵary deńgeıde naqty sharalar qabyldaý negizinde ǵana aman qalýǵa bolatynyna kóz jetkizdi. Nursultan Ábishuly Nazarbaev Iаdrolyq qaýipsizdik jónindegi mmıtte sóılegen sózinde jahandyq mindetterdi sheshý boıynsha bezbendelgen qadamdar jasaý qajettigin jaýapkershilikpen usyndy jáne manıfestiń BUU-nyń Bas Assambleıasy men Qaýipsizdik Keńesiniń resmı qujaty retin­de tanylýy Prezıdenttiń jáne bútindeı alǵanda Qazaqstannyń álemdik deńgeıdegi bedelin taǵy da asqaqtata tústi.  Qazaqstannyń isker áıelder assosıasııasy