Keleshegimizge senimimiz mol

Bıyl elimiz óz Táýelsizdiginiń 25 jyldyǵyn atap ótedi. Bul – jaı mereke emes, kıeli de qas­terli mereke. Qazaq eliniń alys keleshegin aıqyndap bergen erekshe data. Búgingi kúni shırek ǵasyrlyq bıik beleske kóterilgen memleketimizdiń basty maqsaty – álemdegi eń jaqsy damyǵan 30 eldiń qatarynan oryn alý. Buryn aldymyzǵa mundaı bıik maqsat qoıý úsh uıyqtasaq túsimizge kirip pe edi?! Osylaı dep oılaýǵa mur­shamyz kelip pe edi?! Joq, árıne. Munyń bári táýelsizdiktiń arqasy. Táýelsizdiktiń bergen múmkindigi. Osynyń ózi barsha qazaq­stan­dyqtarǵa oı salyp, táýel­siz­­di­gimizdiń qadir-qasıe­tin tere­ńi­rek túsinýge ári tereńirek túı­si­ný­ge ıtermeleıdi. Táýel­sizdik – biz­diń barsha je­ńisterimiz ben ta­bys­tarymyzdyń bastaýy. Mu­ny biz umytýǵa, jadymyzdan shyǵarýǵa tıisti emespiz. Sonymen birge, elimizdiń jańa tarıhyn oqyp-úırený jáne sa­namyzǵa toqyp túıindeý isi de asa mańyzdy ári qajetti degim keledi. Bizde, ortaq Otanymyz – Qazaq­­standa árbir meıram, árbir memlekettik mereke bárimizge, barlyq etnos ókilderine ortaq. Biz onyń bárin birge toılaýdy ádetimiz ben salt-dástúrimizge engizip te úlgerdik. So­nyń ishinde, Táý­el­­­sizdik toıynyń or­ny tipten aı­ryqsha. О́ıtkeni, bul dara data – barlyq qa­zaqstandyqtardy bir maqsat pen bir múd­dege toptasty­rý­ǵa qyzmet jasaı alady. Sebebi, kemedeginiń jany bir degendeı, barshamyz óz taǵ­dyrymyzdy eli­­miz­diń taǵdyrynan bóle-ja­ra qaraı almaımyz. Bul tur­ǵyda bá­rimizdi ortaq taǵdyr birik­tiretini de osy oıymyzdyń taǵy bir jalǵastyǵyn kórsetedi. О́tken XX ǵasyrdyń alǵashqy jartysynda qýǵyn-súrginge ushy­­rap, Qazaqstanǵa eriksiz jer aýda­rylǵan ult pen ulys ókil­deriniń qatarynan koreı halqy da oryn alady. Búginde bizder Qazaq­stan­dy óz otanymyz dep sa­naı­myz. О́ıtkeni, bizdiń ata-ba­bala­rymyz ben áke-sheshelerimiz osy to­py­raqqa tamyr jaıdy. Ba­qytyn qa­zaq jerinen taýyp, ja­pyraq ja­ıy­p, máýeli báıterekke aınaldy. Baqytty bolý degen uǵymdy ár­kim ártúrli túsinedi ǵoı. Al me­­niń oıymsha, yntymaǵy jaras­qan bir shańyraq astynda ómir súrip, eńbek etkennen asqan ba­qyt joq. Osy turǵyda barsha qazaq­standyqtardy baqytty dep sanaýǵa ábden bolady ǵoı degen oıdamyn. О́ıtkeni, baqyttyń kilti tynyshtyqta, beıbit ómir men berekeli tirlikte emes pe? Sondaı-aq, táý­el­sizdiń taǵ­dy­ry tiz­be­­ginde Qazaq­stan halqy Assam­bleıa­sy­nyń qurylýy óz al­dyna bir bólek áńgime desem, qatelespeıtin shyǵarmyn. Ári bul – etnosaralyq jáne konfes­sııaaralyq ke­lisim men qarym-qaty­nastardy damytýdaǵy teńdesi men balamasy joq qoǵam­dyq ıns­tıtýt. Elimizde beı­bit­shi­lik pen tynysh­tyq­ty saqtaı bilý­diń tap­tyrmas tetigi. Res­pýb­lı­kadaǵy kóp­ etnos­ty turǵyn­dar ara­syndaǵy tatý­lyqty tereń­detýdiń qaınar kózi. Táýelsizdik tarıhyna kóz jú­girtsek te derbestikke qol jet­kizý arqyly ártúrli adamdardyń taǵdyry bir arnaǵa toǵysqanyn baıqaımyz. Joǵaryda aıtyp ótkenimdeı, bizdiń jeńisterimiz de, egemen elimizdiń ósip-ór­ken­­deý isine qosar úlesimiz de ortaq. Táýelsizdigimizdiń 25 jyl­dyq torqaly toıynyń tabal­dy­ryǵynda turǵan tusymyzda biz keleshegimizge nyq senemiz. Bala­larymyz ben keıingi ur­paqtyń bolashaǵyna alań­da­maı­­myz. Osy oraıda, elimizdiń erteńi budan da jarqyn bolýy úshin qoldan kelgenniń bárin de ja­saýǵa ázirmiz. Elena ShEK, Batys Qazaqstan oblystyq Qazaqstan halqy Assambleıasy koreı etnomádenı birlestiginiń múshesi ORAL