ASTANA. 22 sáýir. Dúnıejúzilik densaýlyq saqtaý uıymy 2007 jyldyń 1 qańtarynan 2016 jyldyń 20 sáýirine deıin zıka bezgeginiń 66 memleketke taraǵanyn málimdedi. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Segiz memlekette bul vırýstyń aýrý taratqysh masalardan bólek adamdar arasynda juqpaly túrde taraǵany belgili boldy. Argentına, Sılı, Fransııa, Italııa, Jańa Zelandııa, AQSh elderiniń qataryna endi Perý jáne Portýgalııa qosyldy.
Qaýipti bezgek adamnyń júıke júıesine keri áserin tıgizedi, al júkti áıelderde ishtegi sábıge berilip, túsik tastaýǵa deıin aparýy múmkin.
Aıta keteıik, zıka – maımyldar arasyndaǵy qaýipti aýrý. Adamǵa masalar arqyly juǵady. Ol ásirese, aıaǵy aýyr áıelder úshin qaterli bolyp esepteledi. Sábı dúnıege kelgenniń ózinde mıkrosefalııaǵa shaldyǵýy múmkin, ıaǵnı mı qurylysy óz mólsherinde damymaı, kórý, estý múshelerinde aýytqýshylyqtar paıda bolady.
Aıan Ábdýálı.
Derek: RIA «Novostı».
Foto: nsu.ru.