ASTANA. 22 sáýir. Irak astanasy Baǵdad qalasyndaǵy meshitterdiń birinde lańkestik áreketten 9 adam qaza tapty. Bul týraly newsru.com-ǵa silteme jasaǵan egemen.kz tilshisi habarlady.
Oqıǵa qalanyń ońtústik-batysyndaǵy Er-Radvanııa aýdanynda boldy. Málimetter boıynsha, 25 adam túrli deńgeıde jaraqat aldy.
Lańkestik áreketti ázirge eshbir uıym óz moınyna alǵan joq. Alaıda, boljam boıynsha bul isti DAISh sodyrlary jasaǵan bolý múmkin. Sebebi, osyǵan deıin shııt baǵytyn ustanýshylarǵa atalǵan toptyń sodyrlary birneshe ret shabýyl jasaǵan.
Polısııa qyzmetkerleriniń málimdeýinshe jankeshtiniń biri meshit ishinde ózin ózi jaryp jibergen. Sondaı-aq, osy áreketti ǵımarat syrtynda júzege asyrmaq bolǵan taǵy bir ekstremısti tártip saqshylary der kezinde baıqap, aldyn alyp úlgerdi. Osyǵan deıin Abý Greıb aýdanynda lańkestik áreketten eki adam qaza taýyp, 9 turǵyn túrli deńgeıde jaraqat alǵan.
Birikken Ulttar Uıymynyń habarlaýynsha, Irak memleketinde osy jyldyń aqpan aıynda terrorlyq shabýyldan barlyǵy 670 adam opat bolyp, 1290 beıbit turǵyn zardap shekken.
Aıan Ábdýálı.
Derek: newsru.com.
Foto: euroasianews.ru.