tóraǵasymen áriptester búkpesiz áńgime órbitti
Keshe «Egemen Qazaqstan» respýblıkalyq gazetiniń redaksııasynda Astanada ótip jatqan HIII Eýrazııalyq medıa forýmǵa qatysýǵa kelgen Egıpet elindegi «Ál-Ahram» medıa-holdınginiń basqarma tóraǵasy Ahmed Essaıed An-Naggarmen kezdesý ótti.
Jıyn barysynda Ahmed An-Naggar ózi basqaryp otyrǵan medıaholdıngtiń qurylý tarıhy men qyzmet barysyn baıandap berdi. О́tken ǵasyrdyń ortasyna deıin holdıng jekemenshik qolda bolsa, keıin memleket qaramaǵyna ótken. Tóraǵanyń aıtýynsha, qazir qurylym ózin ózi qamtamasyz etip otyr. Tipti, demeýshileri de joq ekenin tilge tıek etti. Biraq jarnamadan túsetin qarjynyń moldyǵyn da jasyrmady.
«Ál-Ahram» – Arab álemindegi eń iri medıaholdıngterdiń biri. Kompanııanyń irgetasyn Lıvannan kelgen eki azamat qalaǵan. Onyń qurylǵanyna 140 jyldan astam ýaqyt boldy. Basylym taralymy búginde 900 myńdy quraıdy. Budan bólek, holdıngke qarasty strategııalyq jáne saıası zertteý ortalyǵy bar. Bul ortalyqta túrki tildes halyqtardy zertteýge arnalǵan arnaıy bólim jumys isteıdi. Sondaı-aq, farmasevtıkalyq, keńse taýarlary, kompıýterlik dısk ónimderin shyǵaratyn zaýyttary da bar eken. Sondaı-aq, holdıngtiń sheteldik týrısterge qyzmet kórsetetin fırmalary da bar. Barlyǵy 16 myńǵa jýyq adamdy jumyspen qamtyǵan.
Meıman Egıpet Arab Respýblıkasynda Qazaqstan Respýblıkasy jaıly tikeleı aqparat alatyn derekkóz bolmaǵandyqtan, málimetterdi sheteldik aqparat agenttikterinen alatynyn aıtty. Osyǵan baılanysty óziniń arnaıy sapary kezindegi basty maqsattarynyń biri – Qazaqstanmen tyǵyz baılanys ornatyp, osy olqylyqtyń ornyn toltyrý ekendigin málimdedi.
«Bizde Qazaqstan jaıly kóptegen jaqsy pikirler qalyptasqan. Eń aldymen, bul eldi Azııanyń dál ortasynda ornalasqan damyǵan memleketterdiń biri ári Eýrazııalyq ekonomıkalyq odaqtyń basty múshesi retinde bilemiz. Sondaı-aq, áriptesterimizben Qazaqstandy «Ortalyq Azııanyń júregin ustap turǵan búrkit eli» dep ázildesemiz», – dedi Ahmed An-Naggar.
«Qazaqstan Prezıdentiniń «Álem. HHI ǵasyr» manıfesiniń bizdiń elimiz úshin de mańyzy asa joǵary. Bul jóninde bizdiń el basylymdary birneshe ret arnaıy aqparat jarııalap, óz aramyzda talqyladyq. Sebebi, osydan 20 jyldaı buryn bizdiń elde de «Taıaý Shyǵys – ıadrosyz aımaq» bastamasy kóterilgen bolatyn. Biraq bul jerde aıyrmashylyǵy, Nursultan Nazarbaev belgili bir aımaqqa qatysty emes, búkil álem halqyna arnap bastama kóterdi», – dedi medıa holdıng tóraǵasy.
Kezdesýde «Egemen Qazaqstan» respýblıkalyq gazeti» AQ basqarma tóraǵasy Erkin Qydyr Mysyr elindegi sońǵy kezderi oryn alyp jatqan keleńsizdikterge baılanysty saıahatshylardyń ekiudaı kóńil kúıge berilip otyrǵanyn aıta kelip, osy olqylyqty túzeý úshin gazettiń arnaıy bir betin arnaýǵa múmkindik bar ekendigin málimdedi. О́z kezeginde Ahmed An-Naggar bul usynysqa alǵysyn bildirdi jáne ózi basqaratyn basylymda Qazaqstan týraly shynaıy aqparat ázirleýge «Egemen Qazaqstandaǵy» áriptesterin belsene qatysýǵa shaqyrdy. Kezdesýge Egıpet Arab Respýblıkasynyń Qazaqstandaǵy elshisi Haısam Salah Kamel Ibrahım de qatysty.
Aıan ÁBDÝÁLI,
«Egemen Qazaqstan»