Astanadaǵy aqparat máselesine arnalǵan alqaly jıyn qonaqtary arasynda bizge Aýǵanstannyń eks-prezıdenti Hamıd Karzaıdyń mártebesi basqalardan góri bıikteý kórindi. Álemniń ár shalǵaıyna jedel habar jetkizýge asyqqan áriptesterimiz de osynaý orny bólek tulǵany kóbirek tóńirektedi. Sony sezgen forým uıymdastyrýshylary ony ortamyzǵa ákelip, shaǵyn brıfıng ótkizdi.
Talaıdy kórgen tarlanboz jan-jaqtan suraq jaýdyrǵan jýrnalıster aldynda ózin erkin ustady. Jaýabyn berý qıyndaý soǵatyn máselelerdiń qısynyn taýyp tigisin jatqyzyp jibergenine eriksiz súısindik. Átteń, aǵylshyn tilin bilmegendikten áńgimesine tereń boılaı almadyq. Aýdarmashy azamattyń taq-tuǵyna qanaǵattanyńqyramaı qaldyq.
Aıta keterlik bir jaıt, blıs-suhbat barysynda ózbekstandyq jáne tájikstandyq BAQ ókilderi barynsha belsendilik baıqatty. Bul, árıne, túsinikti jaǵdaı. Tek, shekaralas qana emes, túbi bir týystas el bolǵandyqtan búırekteri burmaı turmaıdy. Onyń ústine dál irgelerinde eki kúnniń birinde atys-shabys bolyp jatsa alańdaýshylyq bildirmegende qaıtedi, endi.
Aýǵanstandaǵy qazirgi ahýalǵa, aınalasyna qaýip-qater tóndirip turǵan «Talıban» men DAISh-qa qatysty dáleldi dáıekterin alǵa tartyp, otanyndaǵy oqıǵalarǵa baılanysty «bas jaqqa baryspaı» baıypty pikir bildirgen sarabdal saıasatkerdiń Qazaqstan jaıyndaǵy aıtqandary qulaǵymyzǵa maıdaı jaqqanyn jasyrmaımyz.
– Qazaqstannyń uzaqqa sozylǵan soǵystardan ábden kúırep, kúızelgen Aýǵanstanǵa keıingi on bes jylda kórsetken kómegin eshqashan umytpaımyz. Bir myńǵa tarta stýdentterimizge grant bólip, bilim berip jatqanyn keshegi májiliste shynaıy alǵys sezimmen atap ótkenim barshańyzǵa belgili. Al sizderdiń Prezıdentterińiz Nursultan Nazarbaevtyń soǵyssyz álem qurýǵa baǵyttalǵan bitimgershilik qadamdaryn búkil dúnıejúzi qyzý qoldaýy tıis. Qazaqstan – salıqaly saıasat saltanat qurǵan, kópultty halqy tatý-tátti tirshilik keship jatqan tynyshtyq mekeni. Mundaı yntymaqty eldiń yrysy eshqashan ortaımaıdy, – dedi H.Karzaı.
Iá, Eýrazııa kindigindegi egemen elimizdiń mereıi árdaıym ústem bola bergeı!
Astanadaǵy aqparat máselesine arnalǵan alqaly jıyn qonaqtary arasynda bizge Aýǵanstannyń eks-prezıdenti Hamıd Karzaıdyń mártebesi basqalardan góri bıikteý kórindi. Álemniń ár shalǵaıyna jedel habar jetkizýge asyqqan áriptesterimiz de osynaý orny bólek tulǵany kóbirek tóńirektedi. Sony sezgen forým uıymdastyrýshylary ony ortamyzǵa ákelip, shaǵyn brıfıng ótkizdi.
Talaıdy kórgen tarlanboz jan-jaqtan suraq jaýdyrǵan jýrnalıster aldynda ózin erkin ustady. Jaýabyn berý qıyndaý soǵatyn máselelerdiń qısynyn taýyp tigisin jatqyzyp jibergenine eriksiz súısindik. Átteń, aǵylshyn tilin bilmegendikten áńgimesine tereń boılaı almadyq. Aýdarmashy azamattyń taq-tuǵyna qanaǵattanyńqyramaı qaldyq.
Aıta keterlik bir jaıt, blıs-suhbat barysynda ózbekstandyq jáne tájikstandyq BAQ ókilderi barynsha belsendilik baıqatty. Bul, árıne, túsinikti jaǵdaı. Tek, shekaralas qana emes, túbi bir týystas el bolǵandyqtan búırekteri burmaı turmaıdy. Onyń ústine dál irgelerinde eki kúnniń birinde atys-shabys bolyp jatsa alańdaýshylyq bildirmegende qaıtedi, endi.
Aýǵanstandaǵy qazirgi ahýalǵa, aınalasyna qaýip-qater tóndirip turǵan «Talıban» men DAISh-qa qatysty dáleldi dáıekterin alǵa tartyp, otanyndaǵy oqıǵalarǵa baılanysty «bas jaqqa baryspaı» baıypty pikir bildirgen sarabdal saıasatkerdiń Qazaqstan jaıyndaǵy aıtqandary qulaǵymyzǵa maıdaı jaqqanyn jasyrmaımyz.
– Qazaqstannyń uzaqqa sozylǵan soǵystardan ábden kúırep, kúızelgen Aýǵanstanǵa keıingi on bes jylda kórsetken kómegin eshqashan umytpaımyz. Bir myńǵa tarta stýdentterimizge grant bólip, bilim berip jatqanyn keshegi májiliste shynaıy alǵys sezimmen atap ótkenim barshańyzǵa belgili. Al sizderdiń Prezıdentterińiz Nursultan Nazarbaevtyń soǵyssyz álem qurýǵa baǵyttalǵan bitimgershilik qadamdaryn búkil dúnıejúzi qyzý qoldaýy tıis. Qazaqstan – salıqaly saıasat saltanat qurǵan, kópultty halqy tatý-tátti tirshilik keship jatqan tynyshtyq mekeni. Mundaı yntymaqty eldiń yrysy eshqashan ortaımaıdy, – dedi H.Karzaı.
Iá, Eýrazııa kindigindegi egemen elimizdiń mereıi árdaıym ústem bola bergeı!