ASTANA. 24 sáýir. Fýtboldan Qazaqstan premer-lıgasynyń 7 týrynyń oıyndary oınaldy. Bul týraly egemen.kz tilshisi habarlady.
7 týrdyń basty oıyny Pavlodarda boldy. «Ertis» óz alańynda «Astanamen» kezdesti. Match 90 mınýt boıy qyzyqty ótti. Týrnır kestesinde bir-biriniń jolyn kese beretin komandalar 2:2 esebimen teń tarqasty. Qazir «Astana» birinshi orynda kele jatsa, «Ertis» áli ekinshi oryndy bermeı keledi.
Osy týrda «Qaırat» komandasy bıylǵy chempıonattaǵy ekinshi jeńisine jetti. Almatylyqtar «Aqtóbe» klýbyn 3:0 esebimen utty. Bul matchta alań ıeleri quramynda chempıonat bastalysymen kóptiń arasynan kórinbeı júrgen legıonerler dop soqty. Birinshi taımda Jarko Markovıch pen Andreı Arshavın kózge tússe, ekinshi taımda Anatolıı Tımoshýk goldyń avtory atandy.
Basqa komandalardyń oıyndary da tartysty ótti. Kókshetaýdyń «Oqjetpes» klýby taǵy da jeńis toıyn toılady. Olar óz alańynda Shymkenttiń «Ordabasy» komandasyn 2:0 esebimen jeńip, týrnır kestesinde úshinshi orynǵa shyqty. Bul eki gol matchtyń ekinshi jáne úshinshi mınýttarynda soǵyldy. Qazir týrnır kestesinde «Oqjetpes» 16 upaımen «Astana» men «Ertistiń» sońynan qýyp keledi.
«Ertis» (Pavlodar) – «Astana» (Astana) 2:2 (1:2)
Goldar: Eldos Ahmetov 2, Karlos Manýel Fernandes da Kastro Fonseka 60 – Djordje Despotovıch 7, Serikjan Mujyqov 31
«Qaırat» (Almaty) – «Aqtóbe» (Aqtóbe) 3:0 (2:0)
Goldar: Jarko Markovıch 44, Andreı Arshavın 44, Anatolıı Tımoshýk 90+2
«Oqjetpes» (Kókshetaý) – «Ordbasy» (Shymkent) 2:0 (0:0)
Goldar: Oleksandr Chıjov 2, Jasulan Moldaqaraev 3
«Tobyl» (Qostanaı) – «Jetisý» (Taldyqorǵan) 2:2 (2:0)
Goldar: Raýl Djalılov 1, 14 – Dýshan Savıch 55, Baýyrjan Turysbekov 58
«Taraz» (Taraz) – «Atyraý» (Atyraý) 0:0 (0:0)
«Aqjaıyq» (Oral) – «Shahter» (Qaraǵandy) 0:1 (0:1)
Gol: Andreı Fınonchenko 17
Dastan Kenjalın.
Derek, foto: egemen.kz