ASTANA. 24 sáýir. Ekvadorda ótken jeksenbide magnıtýdasy 7,8 baldyq jer silkinisi saldarynan qaza tapqandardy aza tutyp, segiz táýlik qaraly kún jarııalandy. Bul týraly
inform.kz-ke silteme jasaǵan egemen.kz tilshisi habarlady.
Ekvador prezıdenti Rafael Korrea zilzaladan qaza tapqandardy aza tutý úshin qaralyq kún jarııalady. Ol: «Bul – ult tragedııasy. Jaqyndarynan aıyrylǵandar úshin taıaý saǵattarda segiz kúndik qaraly kún engizý týraly jarlyqqa qol qoıamyn», – dedi.
Sońǵy derekter boıynsha qaza tapqandar sany 646 jetip, habar-osharsyz ketkender 130 boldy. Jer asty dúmpýi saldarynan 7 myńǵa jýyq úı qırap, 2 myń 740 adam zardap shekti. Korrea qaza tapqandardyń ishinde Kanada, Kolýmbııa, Brıtanııa memleketteriniń azamattary bar ekenin atap ótti.
Bul sońǵy 37 jyldaǵy iri jer silkinisi. Ekvadordyń alty provınsııasynda tótenshe jaǵdaı rejimi jarııalandy. Eýropalyq odaq shuǵyl gýmanıtarlyq kómek retinde 1 mln. dollar bóldi.
Talǵat Raıymbek.
Derek: inform.kz.
Foto: 24.kz.