ASTANA. 24 sáýir. Shymkent qalasynyń turǵynyn tóbeleske qatystyrylatyn ıt talap óltirdi. Bul týraly 24.kz-ke silteme jasaǵan egemen.kz tilshisi habarlady.
Oqıǵa Shymkent qalasynda oryn alǵan. 64 jastaǵy Nadejda Chýmıhına esimdi áıeldi kórshisiniń ıti talaǵan.
Kýágerlerdiń aıtýynsha, áıel qorshalmaǵan úıiniń aýlasyna shyqqan kezde, kórshi úıdiń ıti oǵan qaraı sekirip, tisteleı bastaǵan. Al marqumnyń kúıeýi: «Áıelimniń oń jaq denesiniń bóligi men betine zaqym kelgen. Ol oqıǵa orynynda qaıtys boldy», – deıdi.
Qazirgi tańda úı janýaryn polıseıler qaraýyna alǵan. Jábirlenýshi tarap onyń ıelerin keshirgenin aıtty. Shymkent qalalyq polısııasy Eńbekshi bóliminiń qyzmetkerleri osy derek boıynsha sotqa deıingi tergeýdiń ótkizilip jatqanyn málimdedi.
Talǵat Raıymbek.
Derek, foto: 24.kz.