QARAǴANDY. 25 sáýir. Qaraǵandydaǵy «Jastar» sport saraıynda Qazaqstan Prezıdentiniń júldesi úshin «Qazaqstan barysy» respýblıkalyq týrnıriniń irikteý kezeńi ótti. Bul týraly oblystyq dene shynyqtyrý jáne sport basqarmasynyń baspasóz qyzmetine silteme jasaǵan egemen.kz tilshisi habarlady.
«Saryarqa barysynyń» synyna oblystyń 171 balýany qatysyp, kúsh synady. Jarys qorytyndysynda, asa aýyr salmaqta bas júldeni belgili palýan, 2014 jylǵy «Qazaqstan barysynyń» kúmis júldegeri Asyl Bármenov jeńip aldy. Ol fınaldyq beldesýde Bekzat Ahmetbekovten basym tústi.
Sonymen bıylǵy jyldyń «Qazaqstan barysyna» Qaraǵandydan Asyl Bármenov pen Bekzat Ahmetbekov qatysatyn bolady.
Eske salar bolsaq, eger Rıo-216 olımpıadasynyń lısenzııasyna qajetti upaı sanyn jınap úlgerse, qaraǵandylyq bul palýandardyń qataryna dzıýdodan ulttyq quramanyń múshesi Erjan Shynkeev te qosylýy múmkin.
Qaırat Ábildınov.
Derek, foto: Qaraǵandy oblystyq dene shynyqtyrý jáne sport basqarmasynyń baspasóz qyzmeti.