ASTANA. 25 sáýir. Sırııanyń Damask qalasyna taıaý mańaıda lańkesterdiń shabýylynan 5 adam qaza taýyp, 20 turǵyn túrli deńgeıde jaraqat aldy. Bul týraly TASS aqparat agenttigine silteme jasaǵan egemen.kz tilshisi habarlady.
Polısııa qyzmetkerleri eldiń ońtústigindegi As-Seııda Zeınab aýdanynda jarylǵysh zat ornatylǵan kóliktiń jarylǵanyn málimdedi. Osyǵan deıin Al-Wasat aqparat portaly 8 adamnyń opat bolyp, 4 adamnyń zardap shekkenin habarlaǵan.
Qazir oqıǵa ornynda tergeý amaldary júrip jatyr. Lańkestik áreketti qaı toptyń jasaǵany belgisiz. Ázirge bul isti eshbir top óz moınyna alǵan joq. Alaıda, aldyn ala boljam boıynsha DAISh ekstremısteri bolýy múmkin.
Aıta keteıik, osy aıdyń basynda atalǵan toptyń sodyrlary Damask qalasyndaǵy «Badıa ısmınt» sement zaýytyna basa-kóktep kirip, 340 qyzmetkerdi tutqynǵa alǵan. Kóp uzamaı 100 adamnyń aman-esen qutylyp, qalǵandarynyń qaza tapqany belgili boldy.
Aıan Ábdýálı.
Derek: TASS.
Foto: ria.ru.