AQTО́BE. 25 sáýir. Oblys ákimi Berdibek Saparbaev Majarstannyń (Vengrııa) Qazaqstandaǵy tótenshe jáne ókiletti elshisi Andrash Baranımen kezdesti. Bul týraly egemen.kz tilshisi habarlady.
Kezdesý barysynda eki jaqty ózara tıimdi yntymaqtastyq pen birlesken jobalardy júzege asyrý týraly áńgime boldy. О́ńir basshysy ázirge eki aradaǵy saýda-ekonomıkalyq baılanystardyń kemshindigin, oblys pen Majarstan arasyndaǵy taýar aınalymy nebári 10 mıllıon dollardy ǵana quraıtynyn atap ótti. Bolashaqqa josparlanǵan izdenisti qadamdar júzege assa, bul baǵytta anaǵurlym ilgerileý bolatynyn jetkizdi. Oǵan Aqtóbede ashylǵan Majarstannyń konsýldyǵynyń yqpaly zor bolatynyn tilge tıek etti. Aımaq basshysy qazaqtar men majarlardyń arasynda ejelden tarıhı jáne mádenı baılanystyń qalyptasqanyn da jınalǵandar jadynda jańǵyrtty.
Jıyn barysynda jylyjaı qurylysy, aýyz sýdy tazartý, kókónis óńdeý óndirisi, sút jáne sút ónimderin jáne bıdaıdy qaıta óńdeý baǵytyndaǵy jobalardy júzege asyrýdyń múmkindigi mol ekeni aıtyldy.
Kezdesýde sóz alǵan Vengrııanyń Qazaqstandaǵy tótenshe jáne ókiletti elshisi Andrash Baranı eki eldiń arasynda saıası, ekonomıkalyq, áleýmettik, mádenı salada birqatar jobalar qolǵa alynyp jatqanyn atap ótti. Sonyń shynaıy kórinisi retinde Qazaqstannyń aýyl sharýashylyǵy salasyna tikeleı ınvestısııa tartýmen shuǵyldanatyn birlesken qordyń qurylýyn atap ótti. Atalǵan qorǵa «QazAgro» ulttyq kompanııasy men Vengrııanyń «Eksımbanki» 20 mıllıon dollardan, jalpy 40 mıllıon dollar salǵanyn jetkizdi.
Vengrııa – oblysta óz konsýldyǵyn ashqan ekinshi eýropalyq el. Qańtar aıynda bizdiń óńirge osyndaı mıssııamen chehtar kelgen bolatyn. Sondaı-aq Aqtóbede Túrkııa jáne Ońtústik Koreıa óz ókildikterin ashýdy josparlap otyr.
«Dastan» qonaq úı kesheninde Vengrııanyń qalamyzdaǵy ókildiginiń ashylý saltanaty ótti. Vengrııanyń Qazaqstan Respýblıkasyndaǵy qurmetti konsýly bolyp KAZENERGY qaýymdastyǵy tóraǵasynyń orynbasary Janbolat Sársenov taǵaıyndaldy.
Sheteldik dıplomatııalyq ókildiktiń tusaýkeserine oblys ákiminiń orynbasary Ǵalı Esqalıev, Vengrııanyń Syrtqy ekonomıkalyq baılanystar jáne syrtqy ister memlekettik hatshysynyń orynbasary Jolt Chýtora jáne osy eldiń Qazaqstan Respýblıkasyndaǵy elshisi Andrash Baranı qatysty.
Satybaldy Sáýirbaı.
Derek: egemen.kz
Foto: aktobegazeti.kz