ASTANA. 25 sáýir. Qazaqstan Prezıdenti Nursultan Nazarbaevtyń Jarlyǵymen Jaqyp Asanov Bas prokýror bolyp taǵaıyndaldy. Bul týraly akorda.kz-ke silteme jasaǵan egemen.kz tilshisi habarlady.
Jaqyp Asanov 2012 jyly qyrkúıek aıynan beri Bas prokýrordyń orynbasary qyzmetin atqardy.
Ol 1963 jyly 17 tamyzda Qyzylorda qalasynda týǵan. S.M. Kırov atyndaǵy Qazaq memlekettik ýnıversıtetin bitirgen. Uzaq jyldar boıy Qyzylorda qalasynyń prokýratýrasynda jumys istegen. Sondaı-aq, Prezıdent Ákimshiligi zańnama, quqyqtyq tártip jáne sot reformasyn qamtamasyz etý bóliminiń sektor meńgerýshisi qyzmetin atqardy.
1997-2005 jyldary – Bas prokýrordyń aǵa kómekshisi, áleýmettik-ekonomıkalyq saladaǵy zańdylyqty qadaǵalaý basqarmasynyń bastyǵy, Bas prokýratýranyń memlekettik organdar is-áreketindegi zańdylyqty qadaǵalaý departamentiniń bastyǵy, Almaty qalasy prokýrorynyń birinshi orynbasary, Pavlodar oblysynyń prokýrory, Ádilet vıse-mınıstri.
2007 jyly Parlament Májilisiniń IV shaqyrylymyna depýtat bolyp saılanǵan.
2012 jylǵy qańtardan bastap «Nur Otan» partııalyq tizimi boıynsha V saılanǵan Parlament Májilisiniń depýtaty boldy.
Talǵat Raıymbek.
Derek: akorda.kz.
Foto: prokuror.gov.kz.