Senat Tóraǵasy Qasym-Jomart Toqaev bastaǵan Qazaqstan delegasııasy Birikken Ulttar Uıymy О́rkenıetter alıansy VII jahandyq forýmyna qatysý úshin Bakýge jumys babyndaǵy saparmen bardy. Sapar aıasynda Senat Tóraǵasy Ázerbaıjan Prezıdenti Ilham Álıevpen kezdesti.
Q.Toqaev Qazaqstan Prezıdenti Nursultan Nazarbaevtyń izgi tilektestigin tabys etti. Tóraǵa Ázerbaıjan basshysyn BUU О́rkenıetter alıansy «Inklıýzıvti qoǵamdarda qatar ómir súrý: qater men maqsat» taqyrybyndaǵy jahandyq forýmyn ótkizýimen quttyqtady. Senat Tóraǵasy Ázerbaıjan basshysyna N.Nazarbaevtyń qarýly qaqtyǵystar men soǵystardy túbirinen joıýdy tolyq qamtıtyn baǵdarlama ázirleý usynylǵan «Álem. HHI ǵasyr» manıfesiniń mátinin tabys etti.
Prezıdent I.Álıev forýmǵa joǵary deńgeıde qatysqany úshin qazaqstandyq delegasııaǵa alǵysyn bildirdi jáne Qazaqstan men Ázerbaıjan arasyndaǵy ózara dostyq qatynastardy odan ári nyǵaıtý jaıynda aıtty. Ol Ázerbaıjanda kórnekti memleket qaıratkeri sanalatyn Prezıdent N.Nazarbaevqa izgi tilektestigin joldady, dep habarlady Qazaqstan Respýblıkasy Parlamenti Senatynyń baspasóz qyzmeti.