Jambyl oblysynda Táýelsizdiktiń 25 jyldyǵy aıasynda úkimettik emes uıymdar 13 áleýmettik jobany júzege asyrýdy josparlaýda. Bul týraly óńirlik kommýnıkasııalar qyzmetinde Jambyl oblysy ákiminiń orynbasary Erqanat Manjýov aıtty.
– Birlik pen jasampazdyqtyń 25 jyly – Qazaqstan Respýblıkasy Táýelsizdiginiń 25 jyldyǵyn ótkizýdiń tujyrymdamasy qabyldandy. О́ńirde merekeni ótkizý jónindegi is-sharalardyń jospary ázirlenip, oblystyq deńgeıde 380 is-shara ótkizý kózdelýde. Tujyrymdamaǵa sáıkes ár aıdyń óz erekshiligi bar. Mysaly, qańtar aıyndaǵy is-sharalarǵa «Kásibı jáne tıimdi memleket» taqyrybyna basymdylyqtar berilgen, al, aqpan aıy – «Salamatty ult. Sporttyq Qazaqstan», naýryz aıy – «Bolashaǵy birtutas El. Uly Dalanyń dástúrleri», sáýir aıy – «Zııatkerlik ult. Nurly bolashaq» sııaqty taǵy da basqa taqyryptar júrgizildi, – deıdi Erqanat Nurbapauly.
Sonymen qatar, ǵylymı-tájirıbelik konferensııalar, dóńgelek ústel, zııaly qaýym ókilderiniń jastarmen kezdesýleri, jastar aksııalary, qaıyrymdylyq aksııalary arqyly elimizdiń qol jetkizgen jetistikteri pash etiledi. Jyl basynan beri Táýelsizdiktiń 25 jyldyǵyna arnalǵan oblys ákimdigi basqarma basshylarynyń jastarmen kezdesýleri sııaqty barlyǵy 96 is-shara uıymdastyrylyp, 14 myńnan astam adam qamtyldy. Sonymen qatar, oblysta memlekettik áleýmettik sheńberinde Qazaqstan Respýblıkasy Táýelsizdiginiń 25 jyldyǵyn merekeleý boıynsha úkimettik emes uıymdardyń 13 áleýmettik jobalaryn júzege asyrý josparlanýda.
– Birtektilik pen birlikti qamtamasyz etý baǵyty boıynsha jumys «Máńgilik El» jalpyulttyq ıdeıasy aıasynda iske asyrylýda. Ult Jospary 100 naqty qadamnyń 4-shi reformasy «Birtektilik pen birlik» Qazaqstan halqy Assambleıasynyń 2025 jylǵa deıingi damý konsepsııasy, qazaqstandyq biregeılik damýmen qatar, mádenı saıasat konsepsııasy negizinde júzege asady. Ártúrli áleýmettik toptarǵa «Máńgilik El» jalpyulttyq ıdeıasy aıasynda nasıhattaý men Ult Jospary 100 naqty qadamdy iske asyrý mańyzdylyǵyn túsindirý úshin 11 oblystyq aqparattyq top jáne aýdandarda da osyndaı toptar jumys jasaıdy. Sonymen birge, oblystyq QHA janynan qurylǵan ǵylymı-saraptamalyq top ta aralasýda. Aǵymdaǵy jyldyń birinshi toqsany boıynsha turǵyndarmen 200-den asa kezdesý ótkizip, 5000-nan asa adam qatysty. Atalǵan top «Máńgilik El» jalpy ulttyq ıdeıasy aıasynda Mádenıet jáne sport mınıstrligine («El birligi» jáne «Mádenı álemi jolyndaǵy ǵalamtor») atty 2 aýqymdy ǵylymı joba usyndy. Oblystyq Qazaqstan halqy Assambleıasynyń is-sharalar jospary bekitilip, júzege asyrylýda – dedi bul jóninde oblys ákiminiń orynbasary Erqanat Manjýov.
«Qoǵamdyq kelisim» KMM mýzeıinde Assambleıa tarıhyna arnalǵan kórme ashyldy. Sonymen qatar, oblystyq Assambleıa janyndaǵy jýrnalıster klýby men «Áýlıeata» qazaq mádenı ortalyǵynyń jastar ǵylymı-shyǵarmashylyq ortalyǵy belsendi jumystar júrgizýde.
Jalpyǵa Ortaq Eńbek Qoǵamy ıdeıasyn alǵa ilgeriletý maqsatynda ázirlengen jumysshy men tehnıkalyq mamandyqtar bedelin arttyrý boıynsha aqparattyq-túsindirý jumystarynyń óńirlik jospary ázirlenip bekitildi. Olar boıynsha ústimizdegi jyly oblystyq deńgeıde 48 is-shara uıymdastyrylyp, oǵan 5300-den astam adam qamtyldy.
Oralhan DÁÝIT,
«Egemen Qazaqstan»
Jambyl oblysy