ORAL. 29 sáýir. Astana men Oral arasynda qatynaıtyn jáne Reseı shekarasynda kedendik tekseristen ótpeıtin «Tulpar-Talgo» jedel poıyzy mamyr aıynyń sońyna deıin iske qosylady. Bul týraly egemen.kz tilshisi habarlady.
Osy ýaqytqa deıin Reseı tarabynan tranzıttik poıyzdarǵa ózara kedendik tekserýsiz ótkizýge ruqsat berilmeı kelgen. Alaıda, 2015 jyldyń qarasha aıynda Qazaqstan temir joly Reseı úkimetine ózara kedendik tekseristi toqtatý týraly usynys túsirýiniń arqasynda Reseı kelisim bergen. Keıin Reseıdiń kólik jáne kommýnıkasııa mınıstrligi osy jobany iske asyrý maqsatynda, Qazaqstan men Reseıdiń shekarasynda ornalasqan Ilesk beketinde kedendik tekserissiz ótýine jol ashty.
Osy qaýly tolyǵymen qabyldanǵan soń, Astana-Oral júrdek poıyzy iske qosylatyn bolady.
Temir Qusaıyn.
Derek, foto: egemen.kz.