AQTО́BE. 4 mamyr. Aqtóbege Qyzylorda oblysynan 200-ge tarta delegat keldi. Bul týraly egemen.kz tilshisi habarlady.
Olardyń arasynda «Aral tuz», «Syr marjany» sekildi belgili sharýashylyqtardyń ókilderi bar. Qyzylordalyq delegattardyń 120-sy — ónerpazdar. Olardyń qatarynda Qyzylordadaǵy Turmaǵanbet Iztileýov atyndaǵy ult aspaptar orkestri, kameralyq hor jáne «Tomırıs» bı ansambli ujymdary, jyraýlar men ánshiler bar.
Olar Qyzylordalyq djelegasııa ókilderi sala – salaǵa bólinip, aýmaqtyń ekonomıkalyq –áleýmettik jáne mádenı – sporttyq áleýetimen tanysty. О́nerkáisip salasynyń ókilderi qaladaǵy barlyq ınfraqurylymy júrgizilgen ındýstrııalyq aımaqta, «Aqtóbe munaı qondyrǵylary jáne sorǵylar daıyndaý», «EkotonBatys», «Nazar Treıler», «Kaspıı plıýs» jaýapkershiligi shekteýli seriktestigi sııaqty irgeli kásiporyndarda boldy. Al, aýyl sharaýshylyǵy salasy mamandaryn «Aqtóbe jylyjaı» JShS-niń kókónis óndirisi men «AkTEP»JShS-niń mal bordaqylaý alańy men et kombınaty qyzyqtyrdy
Osy zamanǵa medısınalyq qondyrǵylarmen jabdyqtalǵan «Darý» ońaltý ortalyǵyn, oblystyq eresekter aýrýhanansyn jáne qurylysy bastalǵan oftalmalogııalyq aýrýhana jumysymen tanysqanq qyzylordalyqtar óńirde medısınalyq klaster jáne medısınalyq týrızm qurý jobasynyń negizsiz emes ekenine kóz jetkizdi.
Qyzylorda oblysynyń Aqtóbedegi kúnderi aıasynda «NurOtan» partııasy oblystyq fılıalynda óńir basshysy Berdibek Saparbaevtyń qatysýymen dóńgelek ústel uıymdastyryldy. Dóńgelek ústel barysynda oblystardyń ákimdikteri arasynda ózara yntymaqtastyq jáne aımaqaralyq baılanystardy nyǵaıtý jónindegi memorandýmǵa qol qoıyldy.
Dóńgelek ústel barysynda Qyzylorda oblysy ákiminiń orynbasary Serik Qojanııazov pen Aqtóbe oblysynyń ákiminiń orynbasary Muhtar Jumaǵazıev eki óńirdiń ekonomıkalyq – áleýmettik damý baǵyttaryna toqtalyp, aldaǵy ýaqytta qandaı jobalardy birlesip júzege asýyrýǵa bolatyny týraly oılaryn ortaǵa saldy. Qol qoıylǵan memorandýmǵa sáıkes aldaǵy eki jyldyń ishinde kórshiles eki oblys ımport almastyrý men aqyrǵy tutynýshylar úshin ónimdi arzandatý boıynsha jumystardy kúsheıtpek, quny 3,3 mıllıard teńge bolatyn ónimdi tikeleı jetkizý jóninde 30-dan astam kelisimge qol qoıyldy.
Al, qyzylordalyqtar 2016 jyldyń sońyna deıin Aqtóbe oblysyna óndirýshiniń qunymen 11 myń tonna azyq túlik pen aýyl sharýashylyǵy ónimderin jetkizbek bolyp kelisti.
Tahaýı Ahtanov atyndaǵy oblystyq drama teatrynda qyzylordalyq óner sheberleriniń «Syr — Alashtyń anasy» atty konsertine aqtóbelikter kóp jınaldy Ǵazıza Jubanova atyndaǵy oblystyq fılarmonııada ótken Turmaǵambet Iztileýov atyndaǵy ult aspaptar orkestriniń konserti de kóreremenniń kóńilinen shyqty. Sóıtip, syr óńiriniń ónerpazdary eki kún boıy Aqtóbe aspanyn án men jyrǵa bóledi.
Satybaldy Sáýirbaı.
Derek, foto: egemen.kz